La konata televidkanalo RTL pretigis 6 minutan filmon post tuttaga filmado, intervjuado en Herzberg, Germanio. Ili detale rigardis, filmis la kolektaĵojn de la biblioteko kaj arkivo de Interkultura Centro Herzberg, kie Peter Zilvar kaj Zsófia Kóródy rakontis pri Esperanto, pri la kerna rolo kaj multflanka agado de la Esperanto-Centro en kaj por Herzberg am Harz, la Esperanto-urbo. En la filmo estas mallonga intervjuo ankaŭ kun urbestro Gerhard Walter kaj kun lernantoj de la Esperanto-fakrondo en la gimnazio. La raportistoj montras ankaŭ Esperanto-vidindaĵojn, ZEO-jn, dulingvajn ŝildojn, Esperanto-menukarton kaj aliajn interesaĵojn.

    Estas publikigita la raporto sur la hejmpaĝo de Herzberg. En la retpaĝo de esperanto-urbo jam aperis la bildraporto pri la televida teamo kaj la filmado en la urbo kaj la ligilo al la filmo.

    Kaj la televida dissendo okazis en la programo Wissen X-akt je la 18-a horo en 02.05.2013 (laŭ la germana tempo).

(el Esperanto-urbo)

 Redaktoro: Xie Ruifeng