|
ChINIO |
La Azia-Europa
Konferenco de Esperanto kaj Ekonomio-komerco en Xinxiang, Chinio
La
22-an de junio 2002 inaugurighis en la urbo Xinxiang, Henan-provinco,
Chinio, la Azia-Europa Konferenco de Esperanto kaj Ekonomio-komerco,
kun partopreno de ch. 100 esperantistoj el Chinio, Australio,
Mongolio, Koreio kaj Rusio. Sur la podio estis verda flago kaj
portreto de Zamenhof. Oni audigis la surbendigitan himnon "La
Espero", kiun la cheestantoj zumis lau la melodio. Salutvortojn
donis vicprezidanto de la China Esperanto-Ligo s-ro Zou Guoxiang,
vicprezidanto de la Xinxiang-a Esperanto-Asocio s-ro Wang Xiaosi
kaj respondeculoj de aliaj lokaj Esperantaj organizoj.
Dum
la konferenco akademiano Li Shijun faris prelegon titolitan
"Brave pioniru" pri lingvo, ekonomio kaj komerco,
kaj la partoprenantoj diskutis pri la temo kaj venis al la konkludo,
ke la nova epoko donis shancon al disvolvo de ekonomio kaj komerco,
kaj Esperanto estas utila al prosperigo de la socia ekonomio
kaj la komerco inter la popoloj.
La
konferenco finighis vespere de la 24-a.
La
Tria E-ekspozicio por Infanoj en Nankino
La
1-an de junio 2002 (la Infana Tago) la Tria E-ekspozicio por
Infanoj okazis en la elementa lernejo Fuzimiao en Nankino, Chinio,
kun jenaj temoj: (1) La situacio kaj estonteco de Esperanto;
(2) Infano kaj Esperanto; (3) Famuloj kaj Esperanto; (4) Esperanto
kaj literaturo por infanoj; (5) Esperanto kaj kolektado; (6)
Niaj geamikoj tra la mondo.
Pli
ol 200 instruistoj, lernantoj kaj esperantistoj vizitis la ekspozicion,
kiu montris diversajn librojn, kolektojn kaj instruajn materialojn
pri Esperanto. Dum la ekspozicio ili intershanghis spertojn
pri uzado de Esperanto kaj lingva edukado de infanoj. Membroj
de la Zamenhof-a E-Klubo por Infanoj preparis por la vizitantoj
interesan programon kaj faris komunan fotadon. La organizanto
ricevis pli ol 100 gratulajn leterojn, poshtkartojn kaj aliajn
memorajhojn el 36 landoj.
(Zhuang
Qixiong)
Azia Rondo
Familia fondighis
Marte
de 2002 la Azia Rondo Familia (ARF) fondighis en Chinio kun
la celo kunligi aziajn esperantisto-familiojn kaj instigi uzon
de Esperanto en aziaj familioj. La tasko de ARF estas aranghi
familiajn renkontighojn, faciligi familiajn interrilatojn per
reta diskutejo, kuraghigi kaj subteni Esperantan edukadon en
familio, proponi interviziton kaj ghemelighon de familioj por
E-praktikado. La organo de ARF estos "Familio" (elektronika
bulteno, preparata). Al ARF povas membrighi aziaj familioj,
kiuj instruas au instruos al siaj idoj Esperanton au uzas ghin
alimaniere. Senpagaj alighontoj devas informi pri la nomo, sekso,
naskighdato, profesio, lingvonivelo, adreso kaj retposhto de
siaj familianoj al Azia Rondo Familia, p/a s-ro Zhang Xuesong,
Changtaiguan Dianguansuo, CN-464193 Xinyang, Henan, Chinio.
Rete: turimo@371.net.
(Zhang
Xuesong)
Pliaj
>>>
|
|