Pekinaj e-istoj kunvenis che 20-jarigho de PEA

    Pli ol 100 pekinaj e-istoj kunvenis la 24-an de februaro, 2001, por festi la 20-jarighon de la Pekina E-Asocio (PEA). Inter ili estis respondeculoj, fakuloj kaj famuloj el diversaj rondoj. Ghin cheestis ankau s-ro Chai Zemin, honora prezidanto de PEA kaj prezidanto de la china societo "Amikoj de Esperanto", s-ro Chen Yuan, honora prezidanto de la China E-Ligo (ChEL), laborantoj de ChEL, EPCh, Esperanta Sekcio de China Radio Internacia, membroj de PEA kaj aliaj samideanoj en Pekino.

    S-ro Nan Youli, prezidanto de PEA, retrorigardis la agadon de PEA kaj ghian kontribuon al Esperantujo en la pasintaj 20 jaroj.

    La parolado de s-ro Chen Yuan vekis intereson de la cheestantoj. Li eksplikis la tri kauzojn au bazojn, ke Esperanto povas daure disvolvighi post sia centjara ekzistado, tio estas ghiaj sukceso en filologio, amasa movado kaj idealo. Kun tiu kompreno oni neniam perdos kredon pri Esperanto kaj E-movado.

    Post vochlegado de gratulaj mesaghoj de chinaj kaj alilandaj e-istoj kaj E-organizoj, la cheestantoj subskribis blankan tukon kun verda stelo kaj emblemo de Olimpikoj. Ili varme subtenis Pekinon en ghia invito de Olimpikoj en 2008.

Zamenhofa festo en Pekino

    Memore al la 141-a datreveno de la naskigho de L. L. Zamenhof, kunsidis ch. 50 pekinaj e-istoj la 16-an de decembro 2000.

    En la kunsido paroladon faris s-ro Chai Zemin, prezidanto de la societo "Amikoj de Esperanto", s-ro Yu Tao, ghenerala sekretario de la China E-Ligo kaj vicchefredaktoro de "El Popola Chinio" kaj s-ro Li Shijun, akademiano kaj eksa vicchefredaktoro de "El Popola Chinio". Ili rememorigis la historion de la china E-movado, prikantis la agadon de la chinaj adeptoj de nia genia majstro por liberigo de la china popolo en la malnova Chinio kaj ilian kontribuon al konstruado de la nova Chinio, kaj antauvidis la belan perspektivon de Esperanto en la tuta mondo, alvokante, ke la chinaj e-istoj pli energie laboru por disvolvigho de Esperanto.

    Poste la cheestantoj kun granda intereso rigardis video-diskon pri esperantisto-poeto Mao Zifu.

(Wang Lihua)

* Iru al "Esperantujo>Forumo" por legi la tekston de la parolado de Yu Tao kaj tiun de Li Shijun.

Parolado en la Zamenhofa Festo de 2000
Zamenhof -- doktoro bonkora