17-a KISO bonvenigas vin

    La Marburga Esperanto-Grupo invitas vin al la 17-a Kafoklacha Internacia Somera Renkontigho (KISO), kiu okazos de la 19-a ghis la 25-a de augusto 2002 en la Naturamika Kabano situanta en arbaro proksime al la urbo Marburg.

    Pliaj informoj troveblas che <http://www.esperanto.de/kiso/> au che Marburga Esperanto- Grupo, Affollerstr. 19, D-35039 Marburg/Lahn; retposhte:
<kiso@esperanto.de>.

(La Marburga Esperanto-Grupo)

La 1-a Konferenco de INA okazos

     La Internacia Naturkuracista Asocio (INA) enkondukis parte pagatan sekretarian postenon kaj organizas sian 1-an konferencon por pridiskuti la reorganizajn kaj fakajn aferojn. La konferenco okazos de la 19-a ghis la 24-a de augusto 2002 en Krefeld, Germanio. Estas invitataj chiuj, kiuj opinias la naturkuracadon estonto de la medicino kaj volas scii detalojn de sana senmedikamenta vivmaniero. Detaloj haveblas che la sekretario: Anatolo Goncarov, p/k 65, Sankt-Peterburg, RU-197022, Rusio, rete: <anatolog@mail.ru>.

(El "Esperanto")

Germanlingva Esperanto-kurso reta

    Germanlingvan Esperanto-kurson por komencantoj, kiuj volas memlerni la lingvon Esperanto, vi trovas en la retejo: <www.karapaco.de>.

(Klubo Karapaco en Altenburg)

1. 2. 3.