Por ricevi viajn opiniojn pri nia laboro
kaj pri la graveco de la Esperantlingvaj elsendoj el Varsovio,
Esperanto-redakcio de Pola Radio organizas konkurson inter la
auskultantoj. Jen la konkursa demando: "Kian signifon havas
por vi persone kaj por eksterlandanoj ghenerale la Esperantlingvaj
elsendoj de Pola Radio en la situacio, kiam ni frontas la lauvican
etapon de la europa integrighado kaj fenomenojn ligitajn kun la
tutmondigho?"
Ni
substreku, ke:
1)
Niaj E-elsendoj estas audigataj el la naskighlando de Esperanto
kaj ghia kreinto Ludoviko L. Zamenhof;
2)
Niaj elsendoj estas audigataj el la lando, en kiu komencighis
la demokratiigaj procezoj en la Orienta Europo;
3)
Niaj elsendoj estas audigataj el la lando, kiu donis al la mondo
multajn rimarkindajn kaj eminentajn figurojn, kiel ekzemple Johano
Paulo II;
4)
Niaj elsendoj estas audigataj el la lando, kiu multe kontribuis
al la monda kulturo kaj scienco;
5)
Niaj elsendoj estas audigataj el la lando, pri kiu kaj pri kies
najbaroj la informado en la mondaj amaskomunikiloj, ech la europuniaj
estas preskau nula.
La
respondojn interrete, poshte au fakse ni atendas ghis la 20-a
de marto 2002. Viajn konkursajhojn direktu do al: <esperanto.redakcio@radio.com.pl>;
Pola Radio, Esperanto Redakcio, 00-977 Varsovio, poshtkesto 46,
Pollando au Pola Radio, Esperanto Redakcio, faksonumero +48 (22)
645 59 17. Ni estos dankemaj, se vi volos mencii vian aghon kaj
profesion.
La
kontribuajhojn ni prezentos fragmente en niaj dimanchaj "Leterkestoj",
la priparolon de la konkurs-rezultoj ni prezentos en la 43-a jubileo
de nia Redakcio la 4-an de aprilo nunjare kaj en la sekvanta "Leterkesto"
la 7-an de aprilo.
En
la konkurso ni lotumos inter chiuj partoprenantoj valorajn objektajn
premiojn.
(Barbara
Pietrzak)