Legendo diras, ke la drakoregho de Qinghai-lago estas juna filo de tiu de la Orienta Maro. Li kondukis akvon el 108 riveroj tien, kie formighis Qinghai-lago. Pro tio li faris gravan meriton kaj farighis reganto de la lago.

    La tieaj tibetnaciaj loghantoj kredis, ke la lago formighis antau 1300 jaroj, kiam princino Wencheng de Tang-dinastio veturis al Tibeto por edzinighi al ghia regento Sunzamkampo. Iutage shi atingis la Monton Suno kaj Luno en la nuna Qinghai-provinco. Shi vidis, ke tie la neghmontoj staras unu post alia, stepoj sternighas senlime, shi subite eksuferis de nostalgio kaj estis atakita de malghojo. Tiutempe oni sugestis al shi: "Chu via imperiestropatro ne donis al vi magian spegulon nomatan Suno kaj Luno. Kial vi ne uzas ghin?" La princino rememoris tion kaj elposhigis la spegulon. En la spegulo shi vidis la belan hejmlokon Chang'an kaj tuj elliberighis el chagreno kaj forlasis palankenon kaj ekrajdis sur chevalo por daurigi sian vojaghon okcidenten. Sed ekster shia atendo survoje falis teren la spegulo kaj rompighis je du partoj. La princino ege bedauris tion, prenis unu parton kaj lasis la alian sur la stepo, kiu poste farighis blua Qinghai-lago.

    Post kiam princino Wencheng eniris en Tibeton, multe kreskis la ekonomia kaj kultura intershangho inter Tibeto kaj Tang-imperio. La avangardaj teknikoj pri terkulturo, tekstilado, vin-, paper- kaj ink-farado enkondukighis en Tibeton, kiuj ludis gravan rolon por akceli la ekonomian kaj kulturan disvolvighon de la loko. La tibetanoj ameme nomas Wencheng "nia hana fratino".