La Parko de Shpruca Fonto situas en la centro de Jinan. La akvo
de la Shpruca Fonto chiam tenas la temperaturon je 18 gradoj de
Celsiuso. En frosta vintro super la spegula akvo shvebas delikata
nebulo, kaj apud la fonto staras pavilonoj bunte kolorigitaj.
Okcidente de la fonto estas Guanlan-kiosko kun shtonaj tablo kaj
benkoj. Norde de la fonto estas tetrinkejo Wanghe, kaj oni diris,
ke antaue imperiestroj Kangxi kaj Qianlong de Qing-dinastio (1644-1911)
tie trinkis teon. Ili tre shatis la akvon de la fonto kaj anstatau
la kunportata akvo el Pekino ili trinkis tiun de la Shpruca Fonto.
Norde de la fonto estas grupo da grandaj antikvaj konstruajhoj kun
tri haloj kiel la chefaj. La suda halo Leyuantang, trispana kaj
duetagha, estis konstruita en la Norda Song-dinastio (960-1127).
Sur la kolonoj estas versoj de fama literaturisto Zhao Mengfu de
Yuan-dinastio (1271-1368).
Sur
la muro de la korto de la tri haloj estas 30 shtonblokoj kun gravuritaj
verkoj de famuloj en antikveco. Menciinda estas la memoriga steleo
kun gravuritaj versoj kaj notoj pri tri vizitoj de imperiestro Kangxi
kaj du vizitoj de imperiestro Qianlong.
Baixue-pavilono
sude de la fonto estis konstruita por memorigo al literaturisto
Li Panlong de Ming-dinastio (1368-1644). La pavilono estis rekonstruita
sur la ruino en 1996. Samtempe konstruighis apud ghi granda scenejo.
Daming-lago
Milbudha
Monto
|