La 5-an de marto Inaŭguriĝis en Pekino la 4-a Sesio de la 10-a Tutlanda Popola Kongreso. En la sesio oni konfirmos la celon de la ekonomia kaj socia disvolviĝo de Ĉinio kaj gravajn politikojn kaj rimedojn en la venontaj 5 jaroj.

Ĉina ĉefministro Wen Jiabao faris raporton pri la registara laboro. La raporto konsistas el resumado pri la laboro en la pasinta jaro kaj ekspliko pri la skizo de la plano de la nacia ekonomio kaj socia disvolviĝo en la venontaj 5 jaroj.

Dum la 10-taga sesio, la reprezentantoj diskutos pri la “Skizo de la 11-a Kvinjara Plano de la Nacia Ekonomio kaj Socia Disvolviĝo (projekto)”, pri la raporto de la ŝtata financo, la laborraporto de la registaro kaj laborraportoj de la Supera Juĝejo, la Supera Prokurorejo kaj la Konstanta Komitato de la Tutlanda Popola Kongreso, kaj faros voĉdonon.

Ni tre ŝatus vian sugeston, klaku kaj donu vian voĉon!

>>> Ĉefpaĝo