Dum la 5-a Sesio de la 10-a Tutlanda Popola Kongreso (TPK) kaj la 5-a Sesio de la 10-a Tutlanda Komitato de la Ĉina Popola Politika Interkonsiliĝa Konferenco (ĈPPIK), raportistoj el ekster la ĉina ĉeftero unuafoje povas rekte intervjui reprezentantojn de TPK kaj membrojn de ĈPPIK.

La 5-an de marto inaŭguriĝis en Pekino la 5-a Sesio de la 10-a TPK, kaj la 3-an de marto la 5-a Sesio de la 10-a Tutlanda Komitato de ĈPPIK.

Intertempe raportistoj el ekster la ĉina ĉeftero ne nur povas kontakti intervjuitojn pere de la informejo, sed ankaŭ povas rekte kontakti delegacion kaj reprezentantojn. Por faciligi intervjuon de ĵurnalistoj, la informejo publikigis en sia retejo la adresojn de loĝejoj de ĉiuj delegacioj. Tio estas la unua fojo en pli ol 50 jaroj post la fondiĝo de la Tutlanda Popola Kongreso de Ĉinio.

Ni tre ŝatus vian sugeston, klaku kaj donu vian voĉon!

>>> Ĉefpaĝo