Maljuniĝo de la loĝantaro estas atentata de la ĉina socio kaj fariĝis unu el la plej zorgataj temoj dum ĉi-jaraj TPK kaj ĈPPIK. Li Baoku, membro de ĈPPIK, prezidanto de la Ĉina Disvolviĝa Fondaĵo por Maljunulaj Aferoj kaj konsilanto de la Internacia Maljunula Asocio, diris al raportistoj, ke la problemo de maljuniĝo de la loĝantaro estas kaj defio kaj ŝanco.

Li diris, ke la struktura ŝanĝo de la loĝantaro influos socian ekonomion. La maljuniĝo de la loĝantaro rekte influos laborfortojn, kaj ĝis la mezo de la 21-a jarcento Ĉinio perdos 18%-35% da laborfortoj. Ĝia alia influo estos grandiĝo de la socia ŝarĝo. Oni antaŭkalkulis, ke ĝis 2015 Ĉinio havos pli ol 200 milionojn da maljunuloj. Krome, maljuniĝo de la loĝantaro ankaŭ malmultigos ŝtatan deponaĵon.

Tamen maljuniĝo de la loĝantaro ankaŭ portas ŝancon al la ekonomia disvolviĝo. La maljunuloj havas grandan bezonon en vestado, nutrado, loĝado, veturado, flegado, kuracado kaj higieno.

Li Baoku diris, ke prizorgado al la maljunuloj estas memzorgado en la estonteco. Oni devas bone solvi problemojn de maljunuloj per klopodado de familioj, socio kaj rilataj organizoj.

Ni tre ŝatus vian sugeston, klaku kaj donu vian voĉon!

>>> Ĉefpaĝo