La 16-an de marto, la ferma kunveno de la 5-a Sesio de 10-a Tutlanda Popola Kongreso sankciis per voĉdonado la "Leĝon de Laŭenspeza Imposto de Entreprenoj" de la Ĉina Popola Respubliko.

La nova leĝo unuigis la impostan proporcion de entreprenoj investitaj de ĉinoj kaj tiuj de fremdlandanoj. Kaj la unuigita imposta proporcio estas 25%; kaj tiu de malgrandaj entreprenoj kun malalta profito estas 20%. La leĝo kuraĝigas ŝpari fuelon, protekti medion kaj disvolvi altajn teknologiojn.

Respondante la demandon ĉu la nova leĝo de laŭenspeza imposto de entreprenoj influos la utiligon de fremdlandaj kapitaloj, oficisto de la Ministerio de Financo de Ĉinio diris, ke laŭ la internacia sperto, fremdlandaj kapitaloj ĉefe zorgas pri stabila politika situacio, bone disvolviĝanta ekonomio, granda merkato, riĉa rezervo de laboruloj kaj senĉese perfektiĝanta komerca sistemo kaj registara servo, sed ne nur pri favora imposto. La plenumado de nova imposta leĝo ne multe influos utiligon de fremdlandaj kapitaloj. La politiko de Ĉinio pri aktiva utiligo de fremdlandaj kapitaloj ne ŝanĝiĝos, la merkato de Ĉinio pli kaj pli grandiĝas, kaj la medio por altiri investon de fremdlandaj kapitaloj pli kaj pli boniĝas.

Ni tre ŝatus vian sugeston, klaku kaj donu vian voĉon!

>>> Ĉefpaĝo