Antaŭtagmeze de la 6-a de marto, okazis gazetara konferenco kun la temo "Disvolvi modernan agrikulturon, antaŭenpuŝi konstruadon de nova kamparo" organizita de la Tutlanda Komitato de la Ĉina Popola Politika Interkonsiliĝa Konferenco (ĈPPIK). Zhang Baowen, komitatano de ĈPPIK kaj vicministro de la Ministerio de Agrikulturo de Ĉinio, diris en la gazetara konferenco, ke por garantii la kamparanan rajton pri tero, la ĉina registaro jam alprenis seriojn da rimedoj kaj kategorie observos la plej rigoran kontrolon super tero.

Tiuj rimedoj estas: unue, longe stabiligi la interrilatojn pri kontraktita uzo de kampoj en la kamparo, severe malpermesi arbitran ŝanĝon de la kontrakto de la kamparanoj pri uzo de la tero por efektive garantii la kamparanan rajton pri tero; due, alpreni leĝajn rimedojn por protekti ĉiujn rajtojn de la kamparanoj pri kontraktita tero; trie, disvolvi kolektivan ekonomion kaj akceli organizan disvolvon de agrikulturo pere de disvolvo de sociala serva sistemo de agrikulturo kaj kunlaboro de pluraj manieroj.

Zhang Baowen emfazis, ke rilate la rajton de kontraktita uzo de kampoj de la kamparanoj, estas necese rigore observi la politikon de la ŝtato kaj malpermesi arbitran okupon de kontraktita tero.

Ni tre ŝatus vian sugeston, klaku kaj donu vian voĉon!

>>> Ĉefpaĝo