S-ino Yang Yiben, membro de la Ĉina Popola Politika Interkonsiliĝa Konferenco kaj vicurbestro de Lijiang-urbo, Yunnan-provinco, multjare zorgas pri protektado de tradiciaj naciaj kulturoj. Kiel naŝi-naciano, ŝi pli multe atentas protektadon de Dongba-aj ideogramoj kreitaj de naŝi-nacio, ununura "viva" hieroglifo en la mondo.

Yang diris, ke Dongba-a kulturo reprezentas la esencon de la naŝi-nacia kulturo, kiu konsistas el tradicia nacia kredo, religio, folkloro, etiketo, antikvaj dokumentoj skribitaj per Dongba-aj ideogramoj, kaj pentrado, metio, muziko, danco kaj aliaj tradiciaj artoj posedataj de Dongba-aj pastroj.

Ŝi diris: "Dongba-a kulturo estas heredita ĉefe perbuŝe, tial estas malfacilege ĝin protekti kaj heredi. Tio estas rare granda memoriga projekto."

Ŝi proponis, ke la ŝtato savu kaj kreskigu heredantojn de la Dongba-a kulturo, nome ordigi pentradon, skulptadon, plektadon, muzikon, dancadon kaj aliajn teknologiojn posedatajn de la kelkaj maljunaj heredantoj de Dongba-a kulturo, sisteme registri kaj filmi la de ili prezidatajn ritojn kaj fine eldoni ilin. Ŝi esperas, ke oni per diplomatia kanalo kopios, tradukos kaj reordigos la antikvajn Dongba-ajn dokumentojn perdiĝintajn en aliaj landoj kaj revenigos ilin laŭeble.

Ni tre ŝatus vian sugeston, klaku kaj donu vian voĉon!

>>> Ĉefpaĝo