La 15-an de marto Zhang Xuedong, reprezentanto de la 10-a Tutlanda Popola Kongreso de Ĉinio, diris, ke kun disvolviĝo de teknologio de elektronika informadiko kaj senĉesa altiĝo de nivelo de la popola vivo, pli kaj pli grandiĝas la nombroj de elektronikaj produktaĵoj uzataj kaj forĵetitaj. Unu eluzita arĝenta-zinka baterio povas polui 600 mil litrojn da akvo, kaj unu baterio n-ro 5 povas detrui 1.5 kvadratajn metrojn da tero. Por fari personan komputilon, estas bezonataj pli ol 700 specoj da materialoj, kaj 50% de ili endanĝerigas la sanon de la homoj...

Zhang Xuedong opinias, ke granda nombro da elektronikaj forĵetaĵoj kaj poluas la medion, kaj serioze konsumas resursojn. Ĉiuj evoluintaj landoj ellaboris koncernajn leĝojn pri traktado de elektronikaj forĵetaĵoj. Sed Ĉinio ankoraŭ ne ellaboris tian leĝon aŭ administran regulon, kaj nur havas kelkajn regulojn validajn nur por koncernaj departementoj, do Ĉinio devas plej baldaŭ ellabori leĝon pri traktado de elektronikaj forĵetaĵoj por ke ili ne plu poluu la medion.

Ni tre ŝatus vian sugeston, klaku kaj donu vian voĉon!

>>> Ĉefpaĝo