Ghis la 18-a horo de la 10-a de marto, la Kvara Sesio de la Naua China Popola Kongreso ricevis sume 1040 proponojn. Tio estis la plej grandnombra de post la Sesa Popola Kongreso (1983-1988).
La proponoj temas chefe pri la jeno:

Daurigi reformadon kaj pordmalfermon kaj modernigan konstruadon por ekonomia disvolvigho;
Administri la landon lauleghe, akceli la socialisman demokratian kaj leghan konstruadon, daurigi la ekonomian kaj socian disvolvon en harmonio;
Plifirmigi la bazan pozicion de agrikulturo kaj pliigi la enspezon de la kamparanoj;
Energie reguligi la ekonomian strukturon;
Efektivigi la strategion disvolvi okcidentan Chinion kaj akceli la harmonian disvolvon en diversaj regionoj;
Prosperigi la landon per sciencoj kaj eduko, akceli la scienc-teknologian progreson, profundigi reformadon de la eduka sistemo;
Praktiki la strategion de kontinua disvolvo, protekti kaj racie utiligi la richfontojn, pliigi la ekologian konstruadon kaj median protektadon;
Profundigi la reformadon de la shtataj entreprenoj, reguligi kaj normaligi la ordon de merkata ekonomio kaj levi la pordmalferman nivelon;
Senchese plibonigi la popolan vivon, perfektigi la soci-garantian sistemon;
Profundigi la batalon kontrau koruptigho kaj akceli la socialisman spiritan civilizacion;
Energie labori por paca reunuigho de la patrio;
Defendi la socian stabilecon.

    Koncerna oficisto de la kongreso konigis, ke la proponoj karakterizighas per tio, ke ilia nombro estas pli granda ol antaue, ilia kvalito pli alta kaj 85% de ili koncernas leghodonon. Multaj proponoj portas kompare detalan projekton. Iuj koncerne merkat-ekonomiajn leghojn portas klarajn kaj konkretajn artikolojn por revizio. Kaj krome, la proponoj rilatas chefe gravajn politikojn kaj administrajn principojn, nacian ekonomion kaj popolan vivon de la lando au regiono, dum la procentoj de proponoj por regionaj konstruaj projektoj multe malpliighis kompare kun tiuj en la pasintaj jaroj.

    Ekde la unua tago de la sesio de la popola kongreso la sekcio de proponoj chiutage ricevis ch. 200 proponojn kaj en la lasta tago 450. Oficistoj registris, numeris, klasifikis kaj ghustatempe traktis ilin. Oni jam publikigis 172 numerojn da bultenoj, kiuj legighis ankau en la informa reto de la kongreso. 11 oficistoj ekskluzive laboris por la registrado en komputilo, por ke la reprezentantoj ilin bone konu. Samtempe kun tio la propona sekcio plifortigis sian kontakton kun chiuj delegacioj.

Kio estas la proponoj?
Kio estas la diferencoj inter la proponoj, sugestoj, kritikoj kaj rimarkigoj ?

Revenu