Wang Qishan estas subtila en traktado de aferoj chu grandaj chu bagatelaj.

    Por bremsi disvastighon de SARS, Pekino rapide starigis specialan hospitalon por SARS-kontaghitoj en Xiaotangshan en antauurbo de Pekino. La starigo de la hospitalo estis urgha, sed Wang montrighis aplomba. Li faris ampleksan inspektadon al la mediprotekta problemo pro la starigo de la hospitalo, ekzemple ventodirekto, antisepso, traktado de malpura akvo, bruligo de rubo, ripozo de medicinistoj kaj izola protektado.

     Lia subtileco estas vaste konata, kaj kiam li laboris en Guangdong kaj Hainan, multaj jhurnalistoj trovis, ke tiu gvidanto shatas paroli "bagatelojn" kaj atentas malgrandajn aferojn.

    Foje, dum laborkunveno de provinco senchese sonoris poshtelefonoj kaj kelkaj el la kunvenantoj telefonis. La kunvenantoj akiris de la kunveno kajeron kaj skribilon. Wang Qishan, tiam oficanta kiel konstanta vicprovincestro, koleris kontrau tiuj du bagateloj kaj diris: "Mi povas certigi, ke neniu el la telefonvokoj koncernas laboron. Krome, en la sekvantaj kunvenoj ne disdonu kajeron k.s. Chu estas kunvenanto ne havanta kajeron kaj plumon? Kia malshparo, ke chiu kunveno liveros kajeron kaj plumon."

     Kolegoj de Wang Qishan diris, ke li shatas kontaktighi kun popolanoj. En pli ol unu monato post kiam li venis al Hainan-provicno, li malaperis for de la vehiklo, escepte de tio, ke li faris unuvortan saluton che la Vintra Komerca Foiro de la provinco: "Nun mi proklamas inaugurighon de la foiro!" Sed fakte li estis multe okupita de inspektado preskau tra la tuta provinco inkluzive de la plej malrichaj lokoj de Chinio.

    Kiam li venis labori en Pekino, li inspektis multajn hospitalojn, lernejojn kaj konstruejojn por informighi pri la stato rilate SARS de tiuj lokoj.

Spertoricha gvidanto
Meritoplena laboro en la pastaj du monatoj