Lagoj

Chinio abundas je lagoj, el kiuj estas 130 chiu kun areo de pli ol 100 kvadrataj kilometroj. Nemalmultaj lagoj dislokighas en la regiono de la meza kaj malsupra basenoj de Yangzi-rivero kaj sur la Qinghai-Tibeta Altebenajho. La lagoj en orienta kaj suda Chinio estas sensalaj kaj tiuj en nordokcidenta Chinio estas lagoj landinternaj kaj salaj.

La lagoj en la regiono de la meza kaj malsupra basenoj de Yangzi-rivero ludas grandan rolon en reguligo de superakvo kaj liveras akvon por irigacii kampojn. Ili estas ankau gravaj produktejoj de fishoj en Chinio. La famaj lagoj Poyang, Dongting, Taihu, Hongze kaj Chaohu estas la plej grandaj sensalaj lagoj de Chinio.

Poyang, sude de Yangzi-rivero en norda Jiangxi-provinco, estas la plej granda sensala lago de Chinio, kun areo de 4 mil kvadrataj kilometroj. Ghi interligighas kun Yangzi. Tie regas vigla surakva trafiko. Ghi produktas salmojn, anchovojn kaj aliajn. La chelagaj kampoj estas grasaj. La loko, kun varma klimato kaj abunda pluvo, estas richa je rizo, sojfaboj kaj juto.

Dongting, en norda Hunan-provinco, estas la dua granda sensala lago de Chinio, kiu kovras 3 mil kvadratajn kilometrojn. Ghi enprenas en sin akvon el la riveroj Xiangjiang, Zishui, Yuanjiang, Lishui kaj la superakvon de Yangzi. En la pasintaj 40 jaroj oni konstruis inunddefluigajn konstruajhojn kaj elektrajn pumpstaciojn, plifortigis digojn, ekspluatis superakvokonservajn regionojn, tiel ke en sinsekvaj jaroj la loko akiris richajn rikoltojn.

Hongze, 2500-kvadratkilometra, kushas en okcidenta Jiangsu-provinco. Huaihe-rivero enfluas en ghin de sude. La inundo de la Flava Rivero, portanta grandan kvanton da sablo, entrudis sin en la lagon, ke la lago farighis pendanta lago pro sedimentigho de la sablo, kies akvosurfaco estas pli alta ol la chirkaua tero. La reguligo de la lago estas rigardata kiel chefa tasko por jungi Huaihe-riveron. Nun la elirjo por inundo estas larghigita kaj la vasta ebenaho de norda Jiangsu-provinco estas irigaciata per la akvo de la lago.

Taihu, kun areo de 2200 kvadraraj kilometroj, sin trovas en suda Jiangsu-provinco. Tie regas varmeta kaj humida klimato, dense retas riveroj kaj lagoj. La loko estas fama je rizo kaj fishoj. Krom tio la loko estas charma pitoreskejo de Chinio.

Chaohu, meze de Anhui-provinco, ludas grandan rolon en akvokonservado, irigacio kaj navigacio.

Sur la Qinghai-Tibeta Altebenajho estas altebenajha lagaro, la plej granda en la mondo. Plejparto de ili estas landinternaj sallagoj.

Qinghai, kun areo de 4400 kvadrataj kilometroj, estas la plej granda salakva kaj landinterna lago de Chinio, kiu formighis pro malhorsto. En ghi abundas senskvamaj huzoj kaj chirkau ghi sin sternas bonaj pashtejoj. Meze de la lago kushas mondfama birda insulo.

Namco, norde de Lhasa de Tibeto, kun altitudo de 4627 metroj kaj areo de 2400 kvadrataj kilometroj, estas la plej alta lago de Chinio. Tie vivas multaj sovaghaj birdoj kaj bestoj, kiaj gauroj kaj chamoj.

La lagoj sur la Yunnan-Guizhou-a Altebenajho plejparte formighis pro malhorsto kaj karsto.

Dianchi, 330-kvadratkilometra en la suda antauurbo de Kunming estas la plej granda lago sur la altebenajho. La lago estas chirkauita de montoj kaj en ghin enfluas ch. 20 riveroj. La ebenajhoj chirkau la lago estas grava agrikultura produktejo.

Krome, en Chinio famas ankau aliaj lagoj. Jingpo en la supra baseno de Mudan-rivero, Heilongjiang-provinco, kiu kovras pli ol 90 kvadratajn kilometrojn, kun altitudo de 430 metroj, estas la plej granda bariera lago de la lando kaj formighis pro vulkana erupcio kaj lafa obstaklo. Tianchi sur la chefpinto Baitou de Changbai-montaro en sudorienta Jilin-provinco havas altitudon de 2190 metroj kaj profundas ch. 370 metrojn. Ghi estas la plej profunda lago en Chinio. Luobu en la orienta parto de Tarim-baseno de la Xinjiang-a Ujgura Autonoma Regiono de Chinio kovras 2 mil kvadratajn kilometrojn kaj enprenas la akvon el Tarim-rivero, la plej longa landinterna rivero de Chinio. La fluejoj de la riveroj Tarim kaj Kongqi, kiuj fluas sur dezerto, ofte shanghighas kaj movighas suden au norden, tiel ke la lago estas fama vaganta lago de Chinio.

.