| 2009-09-29
La 28-an de septembro Chen Zhu, ĉina ministro de sano, diris al amaskomunikiloj en Pekino, ke post fondiĝo de la nova Ĉinio, fundamente formiĝis porsana serva sistemo, kiu kovras urbojn kaj vilaĝojn, la sannivelo de la ĉina popolo evidente pliboniĝas, kaj la sanstato de la ĉina loĝantaro estas en la antaŭa vico de tiu en la evoluantaj landoj.
Chen Zhu informis, ke nun Ĉinio jam establis relative perfektan urĝan sistemon por trakti publikajn higienajn eventojn. Li montris, ke fronte al epidemioj, kiaj sarso kaj la birda gripo, Ĉinio sinsekve publikigis koncernajn leĝojn kaj statutojn, praktikis urĝan preparon kaj establis sistemon pri monitorado kaj anticipa alarmado de urĝaj publikaj higienaj eventoj kaj sistemojn pri urĝa raporto kaj informo-publikigo. Cetere ankaŭ establiĝis komuna defendo respektive de la interna loko kun Hongkong kaj Makao kaj senĉese profundiĝas kunlaboro kun la Monda Organizo pri Sano.
(el Ĉina Radio Internacia)
Redaktoro: Wang Lihua
|
