| 2009-12-18
Skribu al Avo Frosto, li respondos... ankaǔ en Esperanto!
La jarfinaj festoj Kristnasko/Julo ankaǔ en 2009 alvenas, kaj kiel ĉiujare, miloj da infanoj el Kanado kaj la tuta mondo skribos al Avo Frosto. Tradicie en Kanado infanoj kiuj skribas al li en la franca, angla aǔ en dudeko da aliaj lingvoj, kaj ricevas respondon el la Norda Poluso. Ankaǔ en 2009, tiuj infanoj kiuj skribos al Avo Frosto en Esperanto, ricevos respondon en la Internacia Lingvo!
En 2001 Esperanto-Societo Kebekia (ESK) traktis kun la Kanada Poŝta Servo sugestante la uzon de Esperanto por komuniki kun la Esperantlingvaj infanoj dise en la mondo. La Kanada Poŝto jesis al la propono de ESK kaj ekde 2002 Esperanto estas inter la korespondaj lingvoj uzataj de Avo Frosto kaj siaj helpantoj kaj volontuloj.
Esperanto-Societo Kebekia invitas ĉiujn esperantistojn, junaj kaj junkoraj, malkovri tiun jarfinan tradicion skribi al Avo Frosto. Simple sendu manskribitan leteron al la sekva adreso:
AVO FROSTO
NORDA POLUSO
KANADO - CANADA
HOH OHO
Avo Frosto preferas manskribitajn leterojn, eĉ se ili estas skribitaj de etaj manoj, kiuj nun lernas skribi. Ne forgesu klare skribi vian nomon, adreson, indiku 'ESPERANTO' por certigi respondon en la ĝusta lingvo.
Ni invitas esperantistojn kaj la esperantistajn organizojn tra la mondo diskonigi tiun eblon al la infanoj.
Normando Fleury
nome de Esperanto-Societo Kebekia, la 15-an de decembro 2009
(el Ret-Info)
Redaktoro: Liu Zijia | 
