| 2009-12-30 La Verda Filmejo http://filmoj.net, la plej granda kolekto de longdaǔraj filmoj en Esperanto, serĉas aǔtorojn kaj help-administrantojn. Detalojn trovu ĉe: http://filmoj.net/sercxatas-auxtoroj
La Verda Filmejo aperis antaǔ 7 monatoj danke al REJM (Rusia Esperantista Junulara Movado) por kolekti filmojn kun subtitoloj, dublitaj aǔ originale kreitaj en Esperanto.
Nun la Filmejo jam iĝis tre populara inter esperantistoj en la tuta mondo, en 7 monatoj ĝin vizitis 7917 individuoj el 84 landoj, kiuj rigardis 29346 retpaĝojn.
Ĝis nuna momento estis afiŝitaj 46 filmoj en 22 ĝenroj, originale parolataj en 16 lingvoj. Ankoraǔ 40 filmoj vice atendas sian aperon sur la paĝoj de la Verda Filmejo.
Du rajtorezervitaj kompanioj (unu en Usono kaj la alia en Francio) permesas laǔleĝan tradukon de siaj filmoj kaj promesas publikigi poste la tradukojn en siaj paĝaroj, pere de la agado de helpantoj kaj administrantoj de la Verda Filmejo.
Nederlanda Esperanto-Junularo kaj iuj organizitaj grupoj de esperantistoj en Rusio, Brazilo kaj aliaj landoj ekde la komenco jam kunlaboras kun la Verda Filmejo por aktualigi ĝin per novaj filmoj.
La kreata Subtitolejo, t.n. Manlibro pri kreado kaj tradukado de subtitoloj, unu el la partoj de la Verda Filmejo, liveras utilajn informojn por ĉiu esperantisto, kiu volas traduki sian ŝatatan filmon kaj donaci ĝin al la internacia komunumo.
Bonvenon ĉe: http://filmoj.net/sercxatas-auxtoroj
Aleksander Osincev,
alex.osintsev@gmail.com
kunordiganto de la Verda Filmejo
(el Ret-Info)
Redaktoro: Liu Zijia | 
