| 2010-02-04 Karaj gesamideanoj, kiuj sugestis uzadon de Esperanto ĉe inform-ŝildoj/plataĵoj de TAV (rapidega trajno de Brazilo), saluton,
Mi plezure informas vin, ke la nombro de reagoj/mesaĝoj en tiu projekto TAV atingis entute 26,280.
Laǔ informo de la direktoro de "ouvidoria" de ANTT jen la granda plejmulto el tiu kvanto temas pri Esperanto.
La fina decido nun dependas de la bontrovo de la estraro de ANTT (nacia agentejo pri surteraj transportoj de brazilo).
Je oportuna tempo mi informos vin pri la rezulto de nia kampanjo!
Elkoran dankon kaj samtempe gratulon pro via diligenta partoprenado.
Por Esperanto ĉiun tagon unu agon!
Al vi, sanon, pacon, longdaǔran vivon kaj sukceson.
Amike,
s-ano Juscelino Gama
UEA fakdelegito pri instruado kaj disvastigo de Esperanto
(el Juscelino Gama)
Redaktoro: Liu Zijia
| 
