| 2010-02-05
La 27-an de januaro, 17-jara knabino de Haitio estis savita de la franca savtaĉmento el ruino en Portoprinco, ĉefurbo de Haitio, 15 tagojn post la serioza tertremo. Tio estas alia nova miraklo de postvivado dum la savado post la haitia tertremo.
La knabino nomiĝas Darleen Etienne. Ŝi estas studento. La 27-an, aŭdinte feblajn kriojn el falinta domo de universitato, lokanoj tuj raportis al la loka polico, kiu kontaktiĝis kun la franca savtaĉmento. Post streĉa priserĉado kaj intensa savado, oni ŝin elfosis el la ruino finfine.
Savanto diris, ke ŝi estis ege febla pro serioza anhidriĝo kaj tre malalta sangopremo. Tuj ŝi estis transportita al hospitalo.
Polico diris, ke tre malmultaj povas supervivi sen manĝi kaj trinki en 72 horoj, kaj Darleen kreis miraklon, ke ŝi restas vivanta en ruino dum 15 tagoj. Oni konjektis, ke ŝi havigis al si akvon de tualetejo en la ruino, kaj dank’ al tio ŝi tenis sian vivon.
| 
