| 2010-03-02
En la marta kajero de la gazeto "La Ondo de Esperanto", kiu estas survoje al la paperaj abonantoj (la retabonantoj jam ricevis la eblon elŝuti ĝin) aperis kvarpaĝa artikolo "Mark Fabianoviĉ Zamenhof: instruisto en ŝtataj lernejoj".
En ĉi tiu studo, kiun Aleksander Korĵenkov verkis surbaze de dokumentoj konservataj en la Ruslanda Ŝtata Historia Arkivo en Peterburgo, oni ekscias, interalie, kie la patro de d-ro Esperanto ricevis sian instruistan kvalifikon, kie kaj kion li instruis en la ŝtataj lernejoj de Bjalistoko kaj Varsovio. Ekzemple, montriĝis falsa la legendo, laǔ kiu Mark Zamenhof instruis geografion kaj modernajn lingvojn en Bjalistoka mezlernejo (evidente, en la gimnazio); reale li instruis la rusan lingvon kaj aritmetikon en la 2-a Bjalistoka ŝtata porjuda lernejo.
Surprizojn enhavas ankaǔ kelkaj eroj de lia Varsovia kariero, pri kiuj neniam skribis Privat, Maimon, Holzhaus kaj aliaj zamenhofologoj.
(el Ret-Info)
Redaktoro: Liu Zijia |
