| 2010-03-17
La 65-a Kongreso de SAT-Amikaro okazos en la kultura centro “Georges Palante” en la urbeto Hiliono ĉe la golfeto de San-Briego en la departemento 22 “Armoraj Marbordoj” dum la paska periodo de la 3-a ĝis la 6-a de aprilo 2010. Ĉiuj samideanoj estos akceptitaj en la kongresejo: Espace Georges Palante rue Olivier Provost 22120 Hillion, Francio.
La kongresanoj kune diskutos pri eblaj rimedoj por krizkontraŭi. Oni paŝos en la paŝoj de la loka verkisto Louis Guilloux alnomita “la nesubigitulo”. Oni kune debatos la aktualajn problemojn pri akvo-kvalito en Bretonio kaj aliloke, la estontecon de la abeloj, la ekonomikosocialokrizojn.
Krizkontraŭi estas ankaŭ kune amuziĝi: pro tio, oni al la kongresanoj eklernos bretonajn dancojn. Valoran artprogramon oni antaŭvidis: klasika gitarkoncerto, muzika teatro, ĝenerala kanto kun la koruso Interkant’ kaj prezento de Gijomo pianludisto kaj kantisto.
Plenigu vian aliĝilon ĉe:
http://www.esperanto-sat.info/IMG/pdf/Kongresalighilo_2010_Sat_amikaro_V_25_11_09.pdf,
baldaŭ novaj tarifoj ekde la unua de marto 2010.
(el http://www.esperanto-sat.info)
Redaktoro: Wang Lihua | 
