2011-11-11
En oktobro de 2011 eldoniĝis la unuaj 4 KD-oj pri "Fabeloj de Andersen" en Esperanto voĉlegitaj de Zhao Jianping, ĉefparolisto de Ĉina Radio Internacia.
Disko-1 enhavas "Ŝparmonujon", "La Novajn Vestojn de la Reĝo" kaj "Judan Knabinon" kaj disko-2 "Konkurson de Saltado", "Knabineton kun Alumetoj", "Avineton", "Cikoniojn". En la disko-3 kaj -4 reciproke aŭdiĝas du partoj de la rakonto "La Virineto de Maro".
Laŭplane Zhao voĉlegos aliajn rakontojn de "Fabeloj de Andersen" kaj eldonos aliajn 20 KD-ojn en venontaj du jaroj.
La eldonitaj 4 KD-oj je prezo de 12 eŭroj por unu, mendeblas ĉe jp0630@gmail.com.
(Raportis Chen Ji)
|