Post plurmonata paŭzo denove aperis du numeroj de Heroldo de Esperanto.

    La aperritmo de Heroldo de Esperanto pasintjare iĝis tre malregula. Tute ne aperis pluraj numeroj, kaj la numero kiu devis aperi meze de oktobro atingis la abonantojn du monatojn pli malfrue, meze de decembro.

    Poste, meze de januaro 2012, la abonantoj ricevis gazeton, sur kiu estis indikita la dato "ĝis la 12-a de aŭgusto 2011". Post tiu numero sekvis trimonata paŭzo, kaj multaj jam ekpensis, ke la gazeto definitive mortis.

    Tamen post la mezo de aprilo montriĝis vivosigno. La abonantoj ricevis du numerojn, kiuj ial nomiĝas 11/2011 kaj 3/2012. Daŭre ne aperis kvin numeroj de la pasinta jaro (12, 13, 15, 16, 17/2011) kaj same mankas du numeroj de la nuna jaro (1-2/2012).

(el Libera Folio)

Redaktoro: Xie Ruifeng