| 2012-05-04
|
Kunvenejo de la 2-a Ĉina-Usona Strategia Sekureca Dialogo
|
La 2-an de majo okazis en Pekino la 2-a Ĉina-Usona Strategia Sekureca Dialogo kadre de la 4-a Ĉina-Usona Strategia kaj Ekonomia Dialogo.
La dialogon kune prezidis Zhang Zhijun, vicministro de la Ministerio de Eksteraj Aferoj de Ĉinio, kaj William Burns, konstanta vicsekretario de la ŝtato de Usono. Ĝin ĉeestis Ma Xiaotian, vicĝenerala stabestro de la Ĉina Popola Liberiga Armeo, Zhang Yesui, ĉina ambasadoro al Usono, James Miller, aganta vicministro de la Ministerio de la Nacia Defendo de Usono, kaj Samuel J. Locklear, ĉefkomandanto de la Pacifika Komandejo de Usono.
La du flankoj profunde interŝanĝis opiniojn pri komune zorgataj strategia sekureco, sinteza sekureca afero en malkaŝema, sincera kaj praktika etoso kaj profundigis reciprokan komprenon. La du flankoj konsentis daŭre disvolvi la sistemon de strategia sekureca dialogo inter Ĉinio kaj Usono por ke ĝi ludu pli grandan rolon por akceli la strategian reciprokan konfidon de la du landoj.
Redaktoroj: Liu Sigong kaj Niu Xueqin
|
