| 2012-05-04
En la inaŭguro |
La 1-an de majo inaŭguriĝis en Pekino la 14-a Kunveno de la Komuna Komisiono pri Scienca kaj Teknologia Kunlaboro inter Ĉinio kaj Usono, al ĝi ĉina prezidanto Hu Jintao adresis salutmesaĝon, en kiu li esprimis sian sinceran gratulon al la kunveno kaj afablan saluton al la scienc-teknikaj laborantoj, kaj li ankaŭ dankas la amikojn, kiuj multe kontribuis por antaŭenpuŝado de la rilatoj inter Ĉinio kaj Usono.
La Komuna Komisiono pri Scienca kaj Teknologia Kunlaboro inter Ĉinio kaj Usono estas interregistara organizo de Ĉinio kaj Usono, fondita surbaze de la scienc-teknologia kunlabora interkonsento de la du landoj, la kunveno okazas en ĉiu dua jaro alterne en la du landoj. Ĉijare la kunveno retrorigardis la sciencajn kaj teknologiajn disvolvon kaj kunlaboron depost la pasinta kunveno, kaj diskutas pri kelkaj fakaj temoj, kiaj agrikulturo, fuelo, nuklea sekureco, higieno, fundamenta scienco, medio, mezurtekniko, biologia diverseco, telesensa tekniko por administrado pri eventualaj katastrofoj k. s. En la kunveno ankaŭ fondiĝis kunlaboraj grupoj de diversaj sciencaj kaj teknologiaj kampoj, subskribiĝis interkonsentoj pri projektoj pri agrikulturo, pri internacia scienca kaj teknologia kunlaboro kaj pri partner-projekto, interkompreno-memorando kaj aliaj dokumentoj.
Redaktoroj: Liu Sigong k Chen Ji
|
