| 2012-05-14
En la 5-a Kunveno de Gvidantoj de Ĉinio, Japanio kaj Korea Republiko |
| |
Wen Jiabao prezidas la kunvenon de gvidantoj de la tri landoj. |
En la 13-a de majo en Pekino okazis la 5-a Kunveno de Gvidantoj de Ĉinio, Japanio kaj la Korea Republiko. Al la kunveno ĉeestis Wen Jiabao, ĉina ĉefministro, Lee Myung-bak, prezidento de la Korea Republiko kaj Yoshihiko Noda, japana ĉefministro. Kaj la kunvenon prezidis ĉina ĉefministro Wen Jiabao.
La tri-landaj gvidantoj retrorigardis la progreson akiritan de la tri landoj dum la kunlaboroj en la pasinteco, pluapaŝe klarigis la celon kaj la gravan punkton en la estonteca kunagado, kaj profunde interŝanĝis siajn opiniojn pri internaciaj kaj regionaj aferoj kiuj estas komune zorgataj de ili. La gvidantoj konsentis oficiale komenci la traktadon pri liberkomerca zono en la kuranta jaro kaj subskribis investajn konsentojn inter la tri landoj.
En la kunveno partoprenis ankaŭ Yang Jiechi, ĉina eksterafera ministro, Zhang Ping, estro de la ĉina Ŝtata Disvolva kaj Reformada Komisiono, Chen Deming, ĉina komerca ministro, Cheng Yonghua, ĉina ambasadoro en Japanio kaj Zhang Xinsen, ĉina ambasadoro en la Korea Republiko.
Post la kunveno la gvidantoj de la tri landoj ĉeestis al la subskriba ceremonio de interkonsentoj pri investado pliiga, oportuna kaj protekta. Kaj fine ili kune intervidiĝis kun raportistoj.
Redaktoroj: Liu Sigong kaj Xie Ruifeng
| 
