En
la subprovinco Simao, Yunnan-provinco, viglas aro da junaj homoj,
kiuj ofte vizitas bufedejon kaj kant-dancejon, tamen ili tie ne
drinkas nek dancas, sed interparolas kaj ludas kun junaj servistinoj,
regalas ilin kaj donacas al ili fruktojn k.a.
Estas
strangaj iliaj ludoj: kapa shtormo, premo de kolego, sovagha fajro
k.a. La etoso estas varma, tamen ofte kun malagrablaj vortoj, kiaj
aideso, venerea malsano kaj toksighemo.
Ne
pensu, ke ili estas frivolaj. Ili estas volontuloj, elektitaj de
la Rugha Kruco de Yunnan, Chinio, kaj tiu de Australio. Ili apartenas
al la Institucio de Instruado kaj Trejnado de Junaj Kamaradoj Kontrau
Aideso investita de Chinio kaj alia lando. Ludo estas unu el ghiaj
taskoj kun la celo disvastigi sciojn kontrau aideso.
En
1994 la Rugha Kruco de Yunnan kaj tiu de Australio subskribis interkonsenton
por inici junajn homojn pri aparta instrua metodo. Post ekzameno
ili ricevas diplomon kaj funkcias kiel oficiala gvidanto, kies tasko
estas instrui la sciojn kontrau aideso al aliaj junaj homoj.
S-ro
Shi Luhua, vicprezidanto de la Rugha Kruco de Yunnan kaj respondeculo
pri tiu laboro, diris, ke tio estas instrua metodo internacie rekonita
kaj efike praktikata, kaj Australio uzas ghin kontrau aideso en
suda Azio jam multajn jarojn.
Oni
elektas homojn 25-35-jarajn por fari tiun laboron sen postulo de
apartaj profesio, lernohistorio kaj aliaj. S-ro Shi diris, ke ili
preferas junajn homojn viglepensajn, oratorajn kaj responsemajn
por fari tiun laboron. Oni faras tiun laboron ghenerale en postlaboraj
horoj, sed kiujn ili trejnas, kie kaj kiam faras la trejnadon, tion
decidas la gvidantoj mem. La Rugha Kruco de Yunnan donas nur servon
kaj subtenon ekzemple en financo, organizas diskuton chiumonate
kaj transdonas al ili novan trejnan teknikon, konservas koncernajn
materialojn k.a. dum la Rugha Kruco de Australio donas monhelpon
kaj teknikan subtenon.
En
Simao estas 46 tiaj gvidantoj, kiuj okazigis 215 trejnajn kursojn
kaj trejnis 4300 junajn homojn, kaj el tiuj kursoj 173 estis destinitaj
por servistinoj de amuzejoj.
Bao
Zhengguo, respondeculo de la Rugha Kruco de Simao, diris, ke komence
la kurso okazis en superaj lernejoj kaj gimnazioj kaj la trejnado
iris glate, sed oni proponis fari tion inter la homoj facile atakataj
de aideso, tial oni decidis fari la trejnadon chefe en amuzejoj.
Tio
estas afero facile priparolata sed malfacile farata. Por sukcesigi
la unuan trejnan kurson de la servistinoj de bufedejoj, Bao Zhengguo
kaj liaj kolegoj chiuvespere iris al bufedejoj. Por persvadi mastrinon
de iu bufedejo, ili iris tien pli ol dek fojojn, tamen shi rifuzis.
Ili do rekte vizitis la bufedejon kaj interparolis kun junaj servistinoj,
kiuj tamen tuj ignoris ilin, trovinte, ke ili venis tien ne por
amuzighi. Tial en la dauro de pli ol 2 monatoj ili okazigis neniun
kurson.
Poste
oni proponis, ke la loka registaro kunvoku mastrojn de la 280 bufedejoj
kaj dancejoj, por ke tiuj propraokule rigardu kiel iras la trejnado.
Se ili ne shatas tion, oni do forlasu. Bao diris: "Tuj post
finigho de la trejnado kelkaj mastroj hastis al ni, por ke ni tuj
trejnu iliajn servistinojn.
Chi-flanke
la servistinoj mem ludis gravan rolon. Post sukceso de kelkaj kursoj
favoraj informoj ekcirkulis inter la junaj servistinoj, kiuj telefonis
al la organizanto por viziti la kurson.
27-jara
Wang Xiaolong gvidis drinkejon jam 3 jarojn. En 1999, kiam li ricevis
diplomon de gvidanteco, li alte taksis la trejnadon de la servistinoj.
Li gvidis 80 kursojn en Simao kaj dedichis chiun sian liberan tempon
al la afero.
Wang
diris, ke la servistinoj plejparte estis malalte klerigitaj. Ili
vizitis nur mezlernejon au elementan lernejon. Ili laboras fore
de la hejmloko sole pro malricheco kaj estas facile atakataj de
aideso. Nun ili estas klaraj, ke aideso estas malfacile kuracebla.
La
ludo "Sovagha fajro" estas lasta leciono de la trejna
kurso. Chiufoje en tia leciono Wang estas emociita. La ludo estas
farata tiel, ke chiuj kursanoj staras en cirklo kaj manklakigas
kun fermitaj okuloj, dum la gvidanto "kun aides-viruso"
staras ekster la cirklo. Li frapas je shultro de iu el la kursanoj,
kio montras, ke li faris dangheran kontakton (seksa kontakto) kun
tiu, post tio la kursanoj manpremas unu alian kaj la homo, je kies
shultro la gvidanto frapis, delikate gratis alies mankavon, ankau
kio aludas dangheran seksan kontakton. Post 5 alternoj de manpremo
oni trovis, ke el la dekkelkaj ludantoj nur kelkaj ne estis gratitaj
je mankavo. Tio signifas, ke ili plejparte estis atakitaj de aides-viruso.
Wang
Xiaolong informis la kursanojn pri la rezulto kaj diris al ili:
"Aideso infektas rapide kaj vaste, kvankam tion oni ne vidas.
Por preventi ghin oni devas rifuzi dangheran kontakton."
Li
demandis la kursanojn, kiuj estis atakitaj de la "viruso":
"Chu vi venghos vin kontrau aliaj, se vi infektighis je aideso?"
Kelkaj el ili respondis: "Ne." Li demandis plue: "Se
vi malsanighos je aideso kaj perdos laborpostenon kaj anstatau amikighi
kun vi oni krachos sur vin kaj malpermesos al vi viziti necesejon
kaj viaj gepatroj malpermesos al vi reveni hejmen, tiaokaze, chu
vi venghos vin kontrau la socio?" Pluraj respondis unuvoche:
"Jes, ni venghos nin."
Li
demandis plue: "Kion vi deziros, se vi suferos de aideso?"
"Amon,"
mallaute respondis juna servistino.
Ghuste
amo instruas, ke oni devas trakti la tiel nomatajn "degenerintajn"
homojn samkiel ordinarajn homojn. Su Yaju, gvidanto de tiu afero,
diris, ke trejni junajn servistinojn shanghis shian sintenon al
la servistinaro. Antaue shi respektis ilin laumore, sed tenis sin
fore de ili, sed nun shi opinias, ke la servistinoj estas homoj
egalaj al la aliaj, ili diferencas de la aliaj nur per malsamaj
vivrimedoj. Surstrate se iu servistino vokas shin per la titolo
instruisto, shi sentas ghojon kaj fieron.
Batali
kontrau aideso -- misio de la homaro
Pu
Cunxin kaj kontrau-aidesa propagando
Ili
liberigis sin el minaco de aideso
|