La
Gazetara Centro de 21-U sidas en la Internacia Kunvena Centro,
en nordoriento de Pekino. En tiu distrikto estas sportejoj,
en kiuj okazis konkursoj de la 11-a Azia Sportkunveno en 1990,
kaj konstruighos tiuj por la Olimpikoj en 2008.
En la halo
kun 350 laborlokoj por jhurnalistoj mi vidis tamen nur dekkelkajn
jhurnalistojn kaj volontulojn eble pro tio, ke la sportkunveno
ankorau ne komencighis.
Per komputilo
mi foliumis kelkajn TTT-ejojn pri 21-U kaj elprenis materialojn
utilajn por mia raportado.
En
la halo jhurnalistoj el diversaj landoj povos uzi komputilon,
tajpilon kaj kopiilon kaj viziti interreton. La rezulto de
matchoj estos tuj informitaj al la jhurnalistoj. En la halo
oni povos ankau rigardi matchojn en televido. Chio chi signifas,
ke jhurnalistoj povos bone plenumi sian taskon, sidante en
la gazetara centro, sen viziti tiun au alian sportejon.
La volontulinoj
en la halo el la fakultato de la angla lingvo de la Pekina
Unuigita Universitato estas chiam pretaj helpi la jhurnalistojn.
Ili diris, ke ili estas felichaj servi al la Monda Universitata
Sportkunveno kiel studentoj.
En la Gazetara
Centro estas ankau informdisdona halo, kiu povas enteni 500
personojn. Krome en la centro estas servejo por fotografiloj
kaj rivelo de rulfilmoj, restoracio, banko, poshtoficejo,
magazeno kaj kafejo.
La Gazetara
Centro funkcias tage kaj nokte de la 20-a de augusto ghis
la 2-a de septembro. Mi scias, ke tiam en la Centro svarmos
jhurnalistoj, kiuj okupighas pri 21-U.
Hejmo
de sportistoj -- Sportista Vilagho de 21-U (la 19-a de augusto
2001)
Koncize
pri la Monda Universitata Sportkunveno
Pri
la Internacia Federacio de Universitata Sporto (IFUS)
|