La Sportista Vilagho situas en Haidian-distrikto en nordokcidenta Pekino, kie kolektighas nombro da universitatoj kaj institutoj.

    La vilagho kun areo de 11.2 hektaroj ekkonstruighis en oktobro de 1999. En la vilagho estas 10 domoj kun apartamentoj por 6000 sportistoj. En restoracioj, sportistoj ghuos kaj la ordinaran kaj la islaman manghajhojn, tage kaj nokte.

    En la vilagho estas ankau acheta centro, amuzejo, lesivejo, poshtoficejo, hospitalo, kaj preghejoj por islamanoj, katolikoj, kristanoj kaj budhistoj.

    En la mondo estas diversaj kunvenoj, kongresoj, sportkunvenoj k.s., ili havas komunan celon -- intershangho. En la vilagho gejunuloj el diversaj landoj rapide amikighis, ili au achetis librojn, vestojn kaj artajhojn en la acheta centro, au kune promenis sur stratoj, au vizitis Tian'anmen-placon en la urbocentro, la plej grandan en la mondo.

    En la konkurso sportistoj klopodas por la olimpika spirito "Pli alte, pli rapide kaj pli forte", sed chu venkinte au venkite, ili rikoltos multon el la intershanghoj: amikighi kun homoj el diversaj landoj, ghui la akcepton de la gastiganta lando, gustumi lokajn bongustajhojn, vidi belan pejzaghon, koni la historion kaj kulturon de Chinio, ktp. Je tiu senco, la Sportista Vilagho estas genia iniciato, char ghi donas alian ejon krom la sportejoj al la sportistoj por intershangho, por esti "hejme".

Jhurnalista hejmo -- Gazetara Centro de 21-U (la 19-a de augusto 2001)
Koncize pri la Monda Universitata Sportkunveno
Pri la Internacia Federacio de Universitata Sporto (IFUS)