Unua-pagho>> Kulturo >> Historio

 

 

 


Koncize pri la Stepo de Interna Mongolio

de WA NA

    La Stepo de Interna Mongolio sternighas en la orienta parto de la Eurazia Stepo kaj estas stepo plej bone konservita en Chinio.

Geologia historio de la stepo

    Frue en paleozoiko la nuna Interna Mongolio estis vasta maro. Post plurfoja kolizio de kontinentaj blokoj kaj montokreaj movadoj formighis montoj en la orienta parto de Interna Mongolio. Ghia okcidento estis parto de la antikva Mediteraneo en la frua periodo de Kenozoiko. Antau 40 milionoj da jaroj, pro kolizio de la hinda bloko kun la eurazia kaj montokrea movado en la nuna regiono de Himalajo, levighis la antikva Mediteraneo kaj malaperis la maro kaj samtempe kun tio naskighis la nuna Mongola Altebenajho. La glaciriveroj de la kvaternara epoko multe shanghis la geologian strukturon de la nuna Interna Mongolio kaj fundamente difinis la internan geologian konsiston de tiu regiono. En la sekvantaj periodoj de la 4 malgandaj glaciaj epokoj la konsisto de la kontinenta bloko ne multe shanghighis. Antau la glacia epoko Interna Mongolio estis kovrita de arbaro kaj post la glacia epoko relevighis temperaturo, la akvo fluis al malaltaj kampoj kaj aperis multe da lagoj.

    Antau 10 mil jaroj kaj precipe antau 5 mil jaroj la tiea klimato farighis pli kaj pli seka, malgrandighis multe da lagoj kaj la vasta tero de Interna Mongolio spertis stepighon sen homaj kauzoj.

Natura ekologia medio

    La Altebenajho de Interna Mongolio inkrustighas per montoj, riveroj, lagoj, marchoj, stepoj kaj dezertoj. Sude kushas varmeta zono kaj norde -- malvarmeta zono. De oriente okcidenten Interna Mongolio havas zonojn humidan, duonhumidan, duonsekan, sekan kaj ekstreme sekan. Geologoj diris, ke tie estas kompleta sistemo de akva ekologio.

    Ie en Interna Mongolio trovighas 6 flauraj zonoj, kiuj estas tre ofte vidataj sur vertikalaj montoj, tamen tre raraj en horizontalaj spacoj.

Vegetala diverseco

    La malsamaj geografiaj kaj geologiaj fenomenoj kulturis divesspecajn kreskajhojn. En Interna Mongolio estas diversaj kreskajhoj kaj precipe tiuj specialaj sur stepoj, malfacile vidataj en aliaj lokoj de Chinio.

    Tie kreskas 2800 specoj da sovaghaj vegetaloj, el kiuj pli ol 100 estas protektataj de la shtato; tie vivas 90 specoj da sovaghaj fishoj, 30 specoj da amfibioj, 380 specoj da birdoj kaj 100 specoj da sovaghaj bestoj.

    La vegetaloj kaj animaloj en Interna Mongolio formis harmonian biosferon.

Ekologia malforteco

    La Stepo de Interna Mongolio estas seka kaj tie la jara pluvokvanto estas nur 200-300 mm, kaj plie, la klimato estas kaprica. Chiujare en 60-80 tagoj furiozas ventego de pli ol 8 gradoj kaj ie serioze mankas akvo. La ekologia medio estas tre malforta.

    Pro la aparta geologia konsisto la viviga surfaca grundo estas maldika kaj tuj sub la surfaca tero trovighas sabla tavolo 100-200 metrojn dika, el laga sedimento. Se detruighas la surfaca grundo, tuj montrighas sablo.

    Trosekeco, ventego, kaprica klimato kaj maldensa flauro vidighas samtempe printempe kaj pro tio ofte blovas sabloshtormo.

    La ekologia ekvilibro ja formighas sub la supre menciitaj kondichoj. La vegetaloj, herbovoraj kaj viandvoraj animaloj kune vivas longe en tia medio.

    En la pasintaj jarcentoj kaj precipe en la lastaj 50 jaroj la homa aktivado detruis la supre menciitan ekologian ekvilibron kaj kauzis rapidan malignighon de la ekologia medio. Chio chi tio vekis grandan maltrankvilon de la homoj.

Ekologia shirmilo en orienta Azio

    Interna Mongolio situas en la norda parto de Chinio. La seka kaj frosta vento el Siberio hurlas tra ghi kaj renkontighas kun la varmeta kaj humida vento el sudo kaj oriento. Tio formis la chefan klimatan faktoron en la orienta parto de Azio.

    Tie estas trablovejo de granda vento kaj sabloshtorma origino, kiuj havas striktan rilaton kun la ekologia medio ne nur de la orienta parto de Chinio, sed ankau de tiu de Azio.

    La Stepo de Interna Mongolio estas shlosila loko por protekto de la ekologia medio de Chinio kaj diversaj vegetaloj. Tie la malaltaj vegetaloj spertis rigoran provadon en jarmiloj kaj efike rezistis kontrau la sabloventoj.

    Damagho de la Stepo de Interna Mongolio seriozigis la sekan klimaton de norda Chinio kaj Orienta Azio kaj plirapidigas dezertighon de la tuta mondo.


Rilataj artikoloj:
Ghingis-Hhano
Ekspozicio pri protektado de herbejoj
Kial degeneris la ekologia sistemo de herbejoj?
Virinoj de herbejoj