 |
Unua-pagho >> Homaro kaj naturo >> Naturparkoj |
|
En Zhangjiajie de PANG NAIYING |
|
La 7-an de majo 1992, altrangaj specialistoj de Unesko vizitis Zhangjiajie. Ili serioze esploris la lokon kaj kun neretenebla ghojo admiris: "Ho, kiel belegaj la pejzaghoj! Mirinde belegaj!" Ili opiniis, ke Zhangjiajie komplete konformas al la kondichoj postulataj por esti "monda heredajho" dank' al siaj belaj naturaj pejzaghoj, bone konservita ekologia sistemo, harmonia kunigho de la naturaj kaj kulturaj objektoj. Post nelonge la loko estis enlistigita en la nomaron de mondaj heredajhoj. La nomita heredajho kortushis multajn vizitantojn. Japana pentristino diris: "Antaue mi pensis, ke la chinaj pejzaghaj pentrajhoj estas el fikcioj, sed nun mi estas certa, ke Chinio vere havas mirindajn pejzaghojn. Zhangjiajie mem estas kolosa pentrajho!" S-ro Shen Congwen, fama verkisto el okcidenta Hunan-provinco, diris: "Zhangjiajie estas ideala loko por poetoj. Tie chio estas poezia." Fakte Zhangjiajie estas ne nur poezia pitoreskejo, sed ankau valora donaco de la naturo por la china nacio kaj la tuta homaro. Ghiaj charmaj montoj, klara akvo, raraj bestoj kaj prosperaj arbaroj estas nemankigeblaj por la medio de la homa vivo. Tial en la tempo, kiam la ekologio de la tero alfrontas dangheron kaj la homoj unuvoche alvokas por protekti la ekologian medion, mi vizitis la lokon kaj klare ekkonis ghian valoron kaj konsciis la homan devon ghin protekti.
|