de ZHANG RUI

    Mi amas Jiayu kun charma naturo ne nur pro tio, ke ghi estas mia naskighloko, sed ankau pro la lokanoj, kiuj chiam afablas al la aliaj kaj diligente laboras.

    Mi sentas felichon vivante en tia loko kaj inter tiaj popolanoj. Mi bone memoris, ke en 1998 la terura superakvo inundis Paizhouwan de Jiayu. Tiam popola armeo venis helpi la suferantojn de inundita loko. La heroajhoj de soldatoj multe inspiris kaj kuraghigis la lokanojn en batalo kontrau superakvo.

    Post la katastrofo Jiayu-anoj plenenergie plonghis en rekonstruadon de sia hejmloko. Dank' al ilia diligenta kaj pena laborado kaj la subteno de la registaro, la inundita loko estis riparita en mallonga tempo kaj la tuta gubernio ekmontris sian novan aspekton. Chie chi belas novaj etaghdomoj, radias trafika reto el larghaj asfaltitaj shoseoj kaj funkcias entreprenoj de altteknologio.

    Por faciligi transportadon de lokaj produktajhoj, kiaj akvoproduktajhoj kaj legomoj, Jiayu-anoj konstruis shoseojn laulonge de rivero, ghis bordoj de lagoj kaj kampoj. Dank' al tio la produktajhoj de Jiayu rapide transportighas aliloken, tuj vendighas en diversaj lokoj en kaj ekster Chinio. Tio evoluigas la ekonomion de Jiayu kaj plirichigas la kamparanojn. Iuj kamparanoj de

    Jiayu iras al kamplaboro per motorciklo kaj interkomunikighis per poshtelefono.

    Dum konstruado de la gubernio, la loka registaro neniam forgesis edukadon de junaj Jiayu-anoj. En nia gubernio la plej belaj kaj novaj domoj estas lernejoj. Respondeculoj de la registaro diris, ke por la prospero de dek jaroj oni devas konstrui shoseojn, por tiu de cent jaroj planti arbojn kaj por tiu de mil jaroj kulturi infanojn.

    Jes, ni junaj Jiayu-anoj estas favorataj. La registaro kaj la maljuna generacio kune investis por konstrui al ni belajn kaj komfortajn lernejojn kun modernaj instalajhoj. Dank' al tio, ni povas lerni en aparte komforta klaschambro. Kiel estontaj laborantoj de Jiayu, ni pretas diligente labori por daure konstrui nian hejmlokon pli moderna kaj pli bela.

Fotoj pri la Unua Paizhouwan-a Kraba Festivalo en Jiayu
Paizhouwan hodiau
Iom pri la gubernio Jiayu
En gubernio de krabo