En la urbo Chengde de Hebei-provinco estas la plej granda ghardeno de Chinio, la Someruma Vilao de imperiestroj. Ghi okupas preskau duonon de la urbo. Kaj krome en la antauurbo dislokighas multaj temploj en diversaj arkitekturaj stiloj de Han-, Mongol- kaj Tibet-nacioj. Dank' al tiuj vidindajhoj Chengde farighis fama turisma loko en la nordo de Chinio.

    La Someruma Vilao fakte estis krompalaco de Qing-dinastio (1644-1911), kie la imperiestroj loghis kaj traktis shtatajn aferojn en somero.

    La konstruado de la vilao dauris 87 jarojn kaj en la vilao estas pli ol 100 haloj, kioskoj, palafitoj, turoj, temploj kaj aliaj. La plej interesa karakterizajho de la vilao estas tio, ke ghardenoj trovighas sur montoj, kaj montoj trovighas en ghardenoj. La montoj okupas 4 kvinonojn de la tuta vilao. La montoj estas kovritaj de densaj arbaroj kaj en la valoj lirlas klaraj fontoj. La niveldiferenco inter la nordokcidentaj montoj kaj la sudorientaj lagoj kaj herbejoj estas 180 metroj. Utiligante la topografion de la pintoj, krutajhoj, deklivoj kaj valoj de la montoj, oni konstruis multajn ghardenojn kaj templojn. La plej altiraj estas du kioskoj rigardantaj unu al la alia sur du montpintoj. Tie oni povas havi panoraman vidon al chiuj vidindajhoj en la vilao, al la interesaj montpintoj sur la chirkauaj montoj kaj al la urbo.

Antikvaj konstruajhoj de la vilao
La Eksteraj Ok Temploj

Rialta artikolo:
Vojagho al Chengde