Lunaj kukoj por la Autunmeza Festo de Chinio estas diversaj. Lau la produktejo estas pekinaj, kantonaj, suzhou-aj, taiwan-aj, yunnan-aj, hongkong-aj, chaozhou-aj kaj japanaj. Lau la materialoj kaj preparado estas fruktaj, legomaj, teaj, kokoslaktaj, marproduktajhaj, tonikaj kaj aliaj. Lau la formoj estas elefantaj, porkidaj, leonaj k.a.

    Heredinte la tradiciajn trajtojn de la chinaj lunaj kukoj, la modernaj estas pli delikataj kaj bongustaj. La lunaj kukoj estas shatataj de la china popolo pro siaj apartaj trajtoj. La kantonaj estas maldik-krustaj kaj fragilaj, bongustaj kaj dolchaj; la suzhou-aj -- molaj kaj aromaj; la chaozhou-aj kun farcho el kandizita vaksa kukurbo -- tonikaj kaj molaj. La kuko aludas kolektighon de la tutaj familianoj, char en la china lingvo la prononco de luna kuko havas tiun signifon. Lau la formoj estas kvadrataj, okangulaj, triangulaj kaj ortangulaj kun diversaj farchoj, kiaj kando, jujuboj, ovoflavo kaj kvin kernoj (kernoj de juglando, sunfloro, ternukso, pinnukso, kaj abrikoto). La desegnajhoj de la kukoj strikte rilatas kun la luno, ekz. Bela feino Chang'e flugas al la luno; Leporo en la luna palaco; Nokta luno en la Lakta Vojo; Luno kun siaj tri inversaj ombroj en lago; kaj Antikva belulino Xi Shi ebriighas sub la luno. La belaj desegnoj ne nur montras felichon de la Autunmeza Festo, sed ankau richigas la poezian etoson de la festo.

    La pekinaj lunaj kukoj kun fragila krusto estas bongustaj; la suzhou-aj kun maldikaj tavoloj estas blankaj, krespecaj kaj dolchaj; la kantonaj similas al europaj kukoj kun diversaj bongustaj farchoj. La tradiciaj taiwan-aj lunaj kukoj el batato estas dolchaj kaj molaj, sed ne oleaj. La islamaj lunaj kukoj kun farcho el dishakita bovajho estas destinitaj por hujoj.

Faru lunan kukon farchitan per fresha porkajho
China tradicia festo - Autunmeza Festo
Legendo pri luna kuko