La 5-an de marto ĉina ĉefministro Wen Jiabao faris laborraporton de la registaro en la Unua Sesio de la 11-a TPK. Li diris, ke unuiĝo de ambaŭ bordoj de Taiwan-markolo estas historie konsekvenca por grandioza reprosperiĝo de la ĉina nacio, ke la ĉinoj en- kaj eksterlandaj kune klopodu por plenumi la grandan aferon de la nacia unuiĝo!

Li diris, ke estas necese persisti en la bazaj politikoj pri "paca unuiĝo kaj unu lando kun du sistemoj" kaj en aliaj principoj pri disvolvado de la rilatoj de la du bordoj kaj paca unuiĝo en la nova situacio, bone teni la temon de paca disvolvado de la rilatoj de la du bordoj, kuraĝigi la samlandanojn de la du bordoj intensigi komunikadon kaj multigi komunajn konojn, antaŭenpuŝi ekonomian kaj kulturan interŝanĝojn inter la du bordoj, kaj akceli la funkciigojn de poŝto, komerco kaj trafiko. Oni devas praktiki kaj kompletigi politikojn aŭ rimedojn favorajn al Taiwan-anoj, subteni ekonomian disvolviĝon de la okcidenta bordo de markolo kaj de aliaj regionoj, kie Taiwan-a investado estas relative koncentra. Oni klopodu por restarigi intertraktadon kaj solvi gravajn problemojn atentatajn de la du bordoj surbaze de la principo de unu Ĉinio.

Wen Jiabao emfazis firman oponon kontraŭ la "secesia agado de Taiwan" kaj malpermeson al ajna dispartigo de Taiwan for de la patrolando sub ajna preteksto aŭ per ajna rimedo. Ĉio koncerna al la suvereneco de la ŝtato kaj teritoria integreco de la lando devas esti decidita de la tuta popolo inkluzivanta la samlandanojn en Taiwan. Certe fiaskos la "secesia forto", kiu intencas damaĝi la pacon de ambaŭ bordoj kaj ŝanĝi la nunan situacion, ke la ĉeftero kaj Taiwan apartenas al unu Ĉinio.

Ni tre ŝatus vian sugeston, klaku kaj donu vian voĉon!

>>> Ĉefpaĝo