La 6-an de marto, ĉeestante diskutadon de la tibeta delegacio pri la laborraporto de la registaro al la 1-a Sesio de la 11-a TPK, ĉina prezidanto Hu Jintao emfazis, ke la stabileco kaj sekureco de Tibeto koncernas al tiuj de la tuta lando. Oni devas efektive garantii kaj plibonigi la popolan vivon, intensigi laboron de naciaj kaj religiaj aferoj, kaj tutforte konservi harmonion kaj stabilecon de Tibeto.

Aŭdinte paroladojn de reprezentantoj de la tibeta delegacio, Hu Jintao diris, ke oni devas intense kunligi la politikojn de la centra registaro kun la praktiko de Tibeto laŭ postuloj de la scienca koncepto pri disvolviĝo, persiste iri la vojon kun la ĉina kaj tibeta trajtoj, antaŭenpuŝi konstruadon de la nova socialisma kamparo, transformi manieron de ekonomia disvolviĝo, pliintensigi reformadon kaj pordo-malfermon, kaj akceli pli bonan kaj pli rapidan disvolviĝon de la tibeta ekonomio .

Fine, Hu Jintao diris, ke la laboro de kadroj precipe tiu de la bazaj kadroj de ĉiuj nacioj en Tibeto estas tre peniga, kaj oni devas multe zorgi pri ili, subteni kaj helpi ilin, precipe tiujn, kiuj longtempe laboras en la regionoj kun malfacilaj kondiĉoj. Pri la kadroj helpantaj Tibeton, oni devas sufiĉe konfidi ilin en la politiko, subteni ilin en la laboro, zorgi pri ili en la vivo kaj rigore trakti ilin en la administrado.

Ni tre ŝatus vian sugeston, klaku kaj donu vian voĉon!

>>> Ĉefpaĝo