Favoro de la publika financo al malriĉaj urbanoj kaj kamparanoj

Nun la malriĉaj popolanoj ĉu en la urboj ĉu en la kamparo povas ĝui la minimuman viv-garantion. La laborraporto de la ĉina registaro en la kuranta jaro montris, ke la ĉefa tasko de la registaro estas perfektigi sistemon de la minimuma viv-garantio kaj starigi reĝimon de reguligado al la helpaj kriterioj konformaj al ekonomia kresko kaj preza nivelo.

Antaŭe oni solvis vivajn problemojn de malriĉaj kamparanoj ĉefe per helpado al aparte malriĉaj familioj. La laborraporto de la registaro en la jaro 2005 unuafoje eksplicite elmetas, ke lokoj kun la kondiĉoj povas prove starigi sistemon de la minimuma viv-garantio. En la jaro 2006, 15.09 milionoj da kamparanoj ĝuis la minimuman viv-garantion. La laborraporto de la registaro en la jaro 2007 diras, ke en la tuta lando establiĝu sistemo de la kampara minimuma viv-garantio, ke pli ol 34 milionoj da kamparanoj ĝuu la financan garantion.

Zhao Jiancai, reprezentanto de TPK kaj urbestro de Zhengzhou, ĉefurbo de la provinco Henan, diris, ke establiĝo de la sistemo de la kampara minimuma viv-garantio ne nur feliĉigas kamparanojn, sed ankaŭ enkorpigas la justecon. Starigo de la reĝimo de reguligado al la helpaj kriterioj faros la sistemon real-signifa.

Loĝ-garantio pli kaj pli fortigata

La ĉina registaro alte atentas malfacilojn de popolanoj en loĝado. Tio montriĝas en la laborraporto de la registaro en 2008.

La laborraporto en 2007 emfazis ĉefe reguligadon al la dom-biena merkato. Tiu en 2008 akcentas starigon de loĝ-garantia sistemo. Laŭ la ĉi-jara laborraporto, la registaro kontentigos loĝ-bezonon de familioj kun malalta enspezo per domoj de malalta lu-pago kaj tiuj de malalta prezo, pliigos provizadon de ordinaraj loĝdomoj malalt- kaj mezprezaj por kontentigi loĝ-bezonon de familioj de meznivela enspezo kaj tiun de familioj de alta enspezo pere de merkato.

TPK-reprezentanto Kong Lingchen diris, ke la registaro donas pli kaj pli grandan atenton al publika servo kaj pliintensigas starigon de sistemo de la loĝ-garantio.

Ni tre ŝatus vian sugeston, klaku kaj donu vian voĉon!

>>> Ĉefpaĝo