La 5-an de marto, Gao Siren, reprezentanto de la 11-a Tutlanda Popola Kongreso kaj estro de la delegitaro de la centra popola registaro al la Hongkong-a Speciala Administra Regiono, diris, ke la registara laborraporto farita de ĉefministro Wen Jiabao elmetis la celojn de la kuranta jaro kaj la venontaj jaroj, tio liveras gravan ŝancon por la nuna kaj longtempa disvolviĝo de Hongkong. Hongkong ludos gravan rolon en la ŝtata disvolviĝo, do oni devas kapti tiun ŝancon por rapidigi disvolviĝon.

En la grupa kunveno de la Hongkong-a delegacio de la Unua Sesio de la 11-a Tutlanda Popola Kongreso de Ĉinio, Gao Siren diris, ke la ĉina ekonomio daŭre kreskas rapide, tio estas utila al Hongkong por trakti eventualan krizon kaŭzitan de malrapida kresko de la usona ekonomio en la lasta tempo. Li diris, ke la raporto difinis la ekonomian kreskon de la kuranta jaro je 8%; tio grave subtenas la ekonomian disvolviĝon de Hongkong, tial Hongkong devas kapti tiun ŝancon por sin disvolvi.

Gao Siren diris, ke fortigo de makroskopa ekonomia kontrolado de la ŝtato estas favora al Hongkong por ekonomia transformiĝo kaj al Hongkong-aj entreprenoj por renovigo, kaj al realigo de daŭrigebla disvolviĝo. La ŝtato pene akcelas socian konstruadon kun plibonigo de la popola vivo kiel gravito, tio donas pli riĉan enhavon por kunlaboro de la ĉeftero kaj Hongkong, kaj estas favora al la Hongkong-a serva industrio por disvastigi sian disvolvan spacon. La ŝtato daŭre antaŭenpuŝas reformadon kaj prodomalfermon kaj pli alte taksas meminiciaton kaj kreivon, tio estas favora al altigo de la longtempa konkurenco de Hongkong, tial Hongkong povos ludi gravan rolon por helpi la ŝtaton en pliintensigo de meminiciato kaj kreivo.

Gao Siren emfazis, ke en la 30-jara reformado kaj pordomalfermo de Ĉinio kaj en la ĝenerala situacio de ŝtata disvolviĝo, Hongkong ne estis apudstaranto, sed firma partoprenanto, grava kontribuanto kaj granda profitanto samtempe. La ŝtato bezonas Hongkong kaj Hongkong ankaŭ bezonas la ŝtaton. Starante sur la nova historia deirpunkto, la ŝtato kaj Hongkong alfrontas grandan disvolvan ŝancon. Gao Siren alvokis, ke la Hongkong-anoj domaĝu kaj kaptu la ŝancon, sufiĉe ekspluatu la politikan superecon de "unu lando kun du sistemoj", plufortigu kunlaboron de la ĉeftero kaj Hongkong por alporti pli grandan movoforton por disvolviĝo de la du lokoj.

Ni tre ŝatus vian sugeston, klaku kaj donu vian voĉon!

>>> Ĉefpaĝo