Intervjuate de raportistoj, Ismail Tiliwaldi, nova TPK-vicprezidanto elektita en la 1-a Sesio de la 11-a Tutlanda Popola Kongreso, diris en la 16-a de marto, ke lia elektiĝo estas ne nur lia persona honoro, sed ankaŭ alta takso kaj konfido de la Centra Komitato de la Komunista Partio de Ĉinio pri la laboro de Xinjiang.

Ismail Tiliwaldi naskiĝis en ordinara kamparana familio de Kashi en la Xinjiang-a Ujgura Aŭtonoma Regiono en 1944 kaj diplomiĝis el la matematika fakultato de la Xinjiang-a Universitato en la 60-aj jaroj de la pasinta jarcento. Li diris, ke li naskiĝis kaj kreskis en Xinjiang, kaj tie laboris 40 jarojn. Xinjiang estas lia nasikiĝloko, kaj li havas profundan amon al ĝi.

Ismail Tiliwaldi diris, ke Xinjiang jam eniris ŝlosilan epokon de reformado, pordo-malfermo kaj moderniga konstruado. La venontaj 5 jaroj havas gravan signifon por la tuta lando kaj Xinjiang. Xinjiang estas naturdotita per resursoj, nun jam havas la bazon kaj kondiĉojn de granda disvolviĝo kaj la popolo de ĉiuj nacioj arde deziras stabilecon, solidarecon kaj disvolviĝon.

Fine li diris: "Mi firme kredas, ke la popolo de Xinjiang povas unuanime unuiĝi kaj pene labori, ke la aferoj de Xinjiang povas disvolviĝi bone kaj rapide, kaj ke la popola vivo de ĉiuj nacioj pliboniĝos jaro post jaro."

Ni tre ŝatus vian sugeston, klaku kaj donu vian voĉon!

>>> Ĉefpaĝo