"La du sesioj de TPK kaj ĈPPIK ĉi-jare estas bona ŝanco por resumi la fruktojn, logikon kaj sperton de reformado kaj pordomalfermo praktikitaj dum la lastaj 30 jaroj," diris Ba Shusong, vicestro de la Financa Instituto sub la Disvolva kaj Studa Centro de la Ŝtata Konsilantaro de Ĉinio.

Ba diris, ke la financo kaj kapitala merkato de Ĉinio alfrontos novan ŝancon. Multaj erudiciuloj opiniis, ke malrapidiĝo de ekonomia kresko en Eŭropo kaj Usono estas bona ŝanco por Ĉinio en kapitala eksporto. Tamen Ĉinio devas unue scii kiam kaj en kia investa strukturo kaj strategio investi al la eksterlando.

La venontaj kvin jaroj estas tempo por provi la saĝon de la estonta registaro. Ba diris, ke la financo, asekuro kaj borso de Ĉinio malfermiĝos sinsekve. En la situacio de ampleksa malfermiĝo de merkato, ili alfrontas pli grandan defion. La ĉina registaro rejuĝos la danĝeron kaj respondecon en financa renovigo. Decidi la fortecon kaj efikon de financa renovigo estos grava tasko por la estonta registaro.

En la unuaj du monatoj de 2008 la ĉina ekonomio spertis multajn variadojn. En la situacio de serioza damaĝo de frosto en suda Ĉinio, la daŭra inflacio kaj malrapidiĝo de kresko de la tutmonda ekonomio, ĉu Ĉinio persistos en "deflacia politiko"? Oni esperas, ke la du sesioj ĉi-jare fariĝos turnopunkto por pliboniĝo.

Ni tre ŝatus vian sugeston, klaku kaj donu vian voĉon!

>>> Ĉefpaĝo