"Mi pensas, ke dum la pasintaj kvin jaroj la centra registaro elspezis multon al edukado," diris Qiangba Puncog, reprezentanto de TPK kaj prezidanto de la Tibeta Aŭtonoma Regiono, dum diskutado pri la laborraporto de la registaro en la grupo de la tibeta delegacio posttagmeze de la 5-a de marto.

En la laborraporto de la registaro, ĉefministro Wen Jiabao multe parolis pri disvolvo de edukado en la sekcio pri bonigo de la popola vivo. Li diris, ke "komplete fari devigan edukadon senpaga en la kamparo estas grava mejloŝtono en la historio de la ĉina edukado", "ni faris gravan paŝon en eduka egaleco", "en aŭtuno ĉi-jare ni senigos kotizon de la deviga edukado en la urboj, tio estas grava rimedo por akceli edukajn ekvilibron kaj egalecon", kaj "la infanoj vizitu lernejon, faru edukan aferon kontentiga de la popolo". Lia parolo estis multfoje rompita de longa aplaŭdado.

Qiangba Puncog diris, ke edukado en Tibeto grandapaŝe progresis. "Mi nepre pririgardis lernejon, kiam mi faris enketadon kaj esploradon en paŝtejoj kaj landlimaj regionoj. Mi povas diri, ke nun la plej bonaj konstruaĵoj de tiuj lokoj estas lernejoj, kaj plejparto de ili estis ekipitaj de telekomunikaj aparatoj. Infanoj de paŝtistoj kaj kamparanoj scias pri komputoro kaj interreto, kaj povas sekvi kurson gvidata de bonaj instruistoj el aliaj lokoj. Ni havas fidon por fari edukadon de Tibeto bona, por ke niaj infanoj ne estu postrestintaj ĉe startlinio."

Ni tre ŝatus vian sugeston, klaku kaj donu vian voĉon!

>>> Ĉefpaĝo