La tri temoj de Pekino en invito de Olimpikoj estas: hom-sciencaj Olimpikoj, altteknologiaj Olimpikoj kaj verdaj Olimpikoj.

Hom-sciencaj Olimpikoj -- homo estas la chefa
    La homa scienco kontinuis tra la centjara historio de Olimpikoj. Ghi enkorpighas ankau en la pekina invito de Olimpikoj de 2008.
    Dum konstruado de novaj sportejoj, Olimpika Vilagho, gazetara centro, loghejoj, trafikaj kaj telekomunikaj instalajhoj en Pekino, oni unue konsideras oportunecon por sportistoj, jughistoj, oficistoj, raportistoj, turistoj k.a. Pekino prezentos komfortan medion por la vivo, trejnado kaj konkurso de la sportistoj, por ke ili akiru bonajn sukcesojn. Pekino kreos por raportistoj bonajn labor-kondichojn kaj avangardajn telekomunikajn rimedojn, por ke ili sendu novajhojn precize kaj akurate. Ankau Pekino kunlaboros kun subvenciantoj por kontentigi turistojn. Chiuj instalajhoj por Olimpikoj plibonigos la medion de Pekino.
    Oni konstruos la Olimpikan Parkon che la norda fino de la centra aksa linio de Pekino, kun kulturaj karakterizajhoj.
    Invito de Olimpikoj fare de Pekino donas al Olimpikoj freshecon. Pekino kun 3000-jara historio estas tipa kultura urbo de Chinio. Se Olimpikoj okazos tie, kunfandighos la orienta kaj okcidenta kulturoj. La karakterhava orienta kulturo prezentos sian charmon al la tuta mondo. La rapide disvolvighanta Pekino gastigos tute novajn Olimpikojn, kio donos al ili novan movforton en la nova jarcento kaj ebligos al ili farighi transkultura kaj transnacia kultura sistemo.

Altteknologiaj Olimpikoj ghuigos chiujn
    Enirinte la Chefurban Sporthalon, vi spertos la temon de altteknologiaj Olimpikoj.
    La altteknologiaj Olimpikoj signifas, ke la sportejoj por Olimpikoj enhavas altteknologion, ekz. cifera larghbenda telekomunikado kaj elektrona informadiko, kiuj moderigas la sportejojn. Krome altteknologiaj Olimpikoj enkorpigas ankau shparon de akvo kaj aplikon de sunenergio. Ankau novaj konstruaj materialoj, elektron-informa traktado kaj intelekta uzado trovighas en projekto de la sportejoj. Se Pekino sukcesos en sia invito de Olimpikoj, tiam chiu raportista tablo estos provizita per komputero konektita kun Interreto por sendi novajhojn kaj serchi informojn.
    Olimpikoj estas ne nur konkurso de sportisoj, sed ankau de teknikoj. Nano-teknologio, kiu naskighis en la 90-aj jaroj de la 20-a jarcento, eliris el laboratorio kaj aplikighis en laboro por pekina invito de Olimpikoj. La Pekina Sporthalo estas renovigita per nano-materialo: plafono kun nano-shmirajho - sonsorba, tia muro -- akvorezista kaj olerezista, kaj pordoj, fenestroj kaj tuboj el tia materialo -- fortikaj kaj korord-imunaj. Nano-aeropurigilo estas uzata en fumchambro¡­
    La Pekina Komisiono por Invito de Olimpikoj proponas uzi tervarmon kiel hejtajhon kaj elektron produktitan per ventenergio por lumigado de sportejoj. Se Pekino gastigos la Olimpikojn, altteknologio alportos utilon al ili.

Verda revo realighonta
    "Verdaj Olimpikoj" estas unu el la tri temoj de pekina invito de Olimpikoj. La temo turnos Pekinon en internacian metropolon kaj altigos la vivkvaliton de la pekinanoj.
    En la jaro 2000 Pekino verdigis pli ol 2600 hektarojn, kiuj formis 11 grandajn pecojn da verdajhoj.
    En la pasintaj kvin jaroj Pekino multigis verdigitan areon je 112 mil hektaroj. La arbokovrita kaj herbokovrita areoj kreskis respektive de 36.26% kaj 32.4% en la pasinteco al 43% kaj 36%. La pokapa verdigita areo hodiau estas 10 kvadrataj metroj, sed antaue -- 7.08 kvadrataj metroj, kaj tiu de urbaj distriktoj jam atingis 35 kvadratajn metrojn, kaj tiu de la antauurbo -- 50 kvadratajn metrojn.

Rilataj artikoloj:
Situo de sportejoj por la Olimpiaj Ludoj
Mediprotekta pekina Olimpika Vilagho
Mediprotekta necesejo de suna energio
Sporta instalajho kaj trafiko

Revenu