Proksimiĝas la Pekinaj Olimpikoj en 2008, kaj jam aperis koncernaj simbolaj desegnaĵoj, ekzemple emblemo, talismanoj, piktogramoj de la Pekinaj Olimpikoj kaj talismano de la Pekinaj Kriplulaj Olimpikoj de 2008. Ni jam konigis ilin al vi post ilia naskiĝo. Ĉi-foje ni prezentos al vi la duajn markojn de la Pekinaj Olimpikoj en 2008, nome markoj de kulturo, medio kaj volontuloj. En la desegnado de tiuj markoj oni uzis pentran kaj kaligrafian arton propran al la tradicia ĉina kulturo, por ke ili harmonie akordiĝu kun la emblemo de la Pekinaj Olimpikoj en 2008.

- La Red.

Marko de kulturaj agadoj

Homo dancas kun lanterno, nemankigebla bonaŭgura ornamaĵo en la tradiciaj ĉinaj festoj. Ĝi aludas unuiĝon kaj feliĉon, kaj reprezentas la spiriton de la tradicia ĉina kulturo. La kultura festivalo de la Pekinaj Olimpikoj estas mondsfera kultura manifestacio. Pekino bonvenigos alilandajn gastojn per ornamo de ruĝaj lanternoj.

Media marko

Verdaj Olimpikoj estas unu el la gravaj ideoj de la Pekinaj Olimpikoj, kaj daŭrigebla disvolviĝo estas senĉesa strebado de la Olimpikoj. La media marko konsistas el figuroj de homo kaj arbo. La verdaj linioj en formo de dancantaj rubandoj kaj pompaj floroj simbolas daŭrigeblan disvolviĝon de mediprotektado. Arbokrono kaj homo formas arbon simbolantan harmonion inter la homo kaj la naturo.

Volontula marko

La ligitaj koroj simbolas tutkoran servadon kaj plenan amon de volontuloj al sportistoj kaj gastoj de la granda familio de la Olimpikoj. Figuro de dancanta homo prezentas ĝojon kaj feliĉon de volontuloj pro la kontribuado.

Rilataj artikoloj:

Emblemo de la Pekinaj Olimpikoj en 2008 publikigita

Talismanoj de la Olimpikoj de Pekino en 2008 anoncitaj 1000 tagojn antaŭ ĝia inaŭguro

Publikiĝis piktogramoj de la Pekinaj Olimpikoj en 2008

Debutis talismano de la Pekinaj Kriplulaj Olimpikoj de 2008