| 2009-09-25
La 23-an de septembro inaŭguriĝis en la ĉefstabejo de UN en Nov-Jorko la ĝenerala debato de la 64-a Sesio de la Ĝenerala Asembleo de UN.
En la inaŭguro Ban Ki-moon, ĝenerala sekretario de UN, alvokis al diversaj landoj, ke ili tenu solidarecon, kiam la tuta terglobo vizaĝas al multaj krizoj, kiaj ekonomia depresio kaj infektaj malsanoj, kaj protektu plurlaterismon kun UN kiel la kerno.
Ĉina ŝtata prezidanto Hu Jintao faris gravan parolon, kaj ĉiuflanke klarigis la vidpunkton de Ĉinio pri la nuna internacia situacio kaj pri gravaj tutglobaj problemoj.
Li akcentis, ke ju pli Ĉinio prosperas, des pli grandas ĝia kontribuo al la mondo. Ĉinio iros por ĉiam la vojon de paca evoluado kaj persistos en amikeco kaj kunlaboro kun ĉiuj landoj surbaze de la kvin principoj de paca kunekzisto.
Hu Jintao ankaŭ proklamis, ke Ĉinio daŭrigos sian subtenon al la evoluantaj landoj, kiuj suferas de la internacia financa krizo, kaj plifortigos la komercan kaj investan kunlaborojn.
(el Ĉina Radio Internacia)
Redaktorino: Wang Lihua
| 
