| 2009-10-15
La 13-a de oktobro de la kuranta jaro estis la 60-a datreveno de la fondiĝo de la Ĉina Junpioniraro. En la sama tago ĉina ŝtata prezidanto Hu Jintao letere esprimis sian varman gratulon al la tutlandaj junpioniroj kaj laborantoj de la Ĉina Junpioniraro.
La Ĉina Junpioniraro estas organizo de la geknaboj en la aĝo de 6 jaroj ĝis 14 jaroj.
En sia letero Hu Jintao montras, ke en la pasintaj 60 jaroj, Ĉinio akiris monde atentatajn grandegajn atingojn en la socialisma afero kun siaj propraj trajtoj. Por realigi la grandiozan celon pri reprosperigo de la ĉina nacio, ankoraŭ necesas longedaŭra pena luktado de generacio al generacio. Li esperas, ke la tutlandaj junpioniroj estos ĉiumomente pretaj por kontribui siajn inteligentecon kaj forton al konstruado de la socialisma moderna lando potenca, demokratia kaj civilizacia.
(el Ĉina Radio Internacia)
Redaktoro: Wang Lihua | 
