Impresoj
pri la 3-a Azia Kongreso de Esperanto
de
JIANG LIMIN
Prospera
E-movado de Azio
Dum
la 23-26-a de augusto okazis la 3-a Azia Kongreso de Esperanto
en Seulo, chefurbo de Koreio. La kongreson partoprenis 552 reprezentantoj
el 15 landoj kaj regionoj.
La
3-a Azia Kongreso de Esperanto ricevis subtenon de diversaj flankoj.
S-ro Chang Chong-sik, alta protektanto de la kongreso, s-ro Lee
Myung-bak, urbestro de Seulo, kaj Renato Corsetti, prezidanto
de UEA, donis salutmesaghon al la kongreso. Estis kortushe, ke
ankau kandidato por nova korea prezidanto donacis flor-korbon
al la kongreso.
En
la inauguro prof. Lee Chong-Yeong kiel reprezentanto de UEA donis
la Premion Deguchi al s-roj Ma Young-Tae kaj Lee Jung-ki kaj laudis
ilin pro ilia kontribuo al la korea kaj azia E-movado. S-ro Hori
Yasuo, nova prezidanto de KAEM el Japanio, pritraktis gravan signifon
de la okazigo de la kongreso en la komplika internacia atmosfero,
retrorigardis la historion de Esperanto-kongresoj okazintaj en
Azio kaj ghojis, ke dum la 10 jaroj de 1994 ghis 2004 okazis kaj
okazos 6 internaciaj E-kongresoj en Azio. Tio montras, ke Esperanto
rapide disvastighas en Azio.
Antaue
Japanio, Koreio kaj Chinio formis chefan forton de la E-movado
de Azio, sed en la lastaj jaroj pli kaj pli da E-asocioj, ekz.
tiuj de Vjetnamio, Pakistano, Nepalo kaj Barato, ne nur vigligis
la enlandan movadon, sed ankau aktive partoprenis la internacian
E-movadon. En julio chi-jare okazis la 1-a Mongola Kongreso de
Esperanto en Ulanbatoro, chefurbo de Mongolio, kaj eksprezidanto
de UEA Lee Chong-Yeong cheestis la kongreson; en Irano okazis
Esperanto-kursoj de afganaj rifughintoj por disvastigo de Esperanto;
estis rimarkinde, ke meza Azio unuafoje sendis reprezentanton
al la Azia Kongreso, s-ro Rozikov Murodkul el Uzbekistano prezentis
la 1-an lernolibron de Esperanto eldonitan en Uzbekistano.
Sendube
paco kaj ekonomia progreso akcelas okazigon de E-kongreso kaj
prosperigon de E-movado. En la pasintaj jaroj iuj landoj de Azio
rapide progresigis la nacian ekonomion, kio helpis disvastigon
de Esperanto. E-asocioj de Irano, Nepalo kaj Mongolio prezentis
peticion al la kongreso por inviti la 4-an Aizan Kongreson de
Esperanto. Fine Nepalo farighis gastiganto.
Ponto
de diversaj kulturoj
En
la Ghenerala Asembleo de 2001 Unesko aprobis la Universalan Deklaracion
de Kultura Diverseco kaj pledis por protekto de kultura diverseco.
Lau la deklaracio la 3-a Azia Kongreso de Esperanto difinis la
temon "Interkomprenigho inter kulturoj".
Dum
la kongreso s-ro Lee Chong-Yeong plurfoje prezentis sian opinion,
ke kulturo estas la chefa identigilo de la membreco de socia grupo
kaj kultura valoro de homo estas esprimita chefe en la formo de
lingvo. Por paca kunekzisto de popoloj en la mondo, oni bezonas
interkomprenighadon inter diversaj kulturoj, sed lingvo estas
la esenca ero de kulturoj kaj necesas neutrala lingvo, en kiu
oni povas bone interkomprenighi.
Kompreneble
en la pasintaj pli ol 100 jaroj Esperanto kiel neutrala lingvo
ne nur richigis enhavon de lingvo, sed ankau progresigis interkomprenighon
inter kulturoj.
Azio
kun fierindaj kulturoj de longa historio estis fonto de la monda
civilizacio. La 3-taga kongreso ghuigis al la partoprenantoj diversajn
kulturajn programojn, ekz. prelegoj, koncertoj, nacia vespero
kaj internacia vespero. La programoj montris ne nur nacian kulturon,
sed ankau flekseblecon de Esperanto.
Per
artaj programoj kaj teoria diskuto la kongreso konfirmis, ke la
kultura diverseco estas valora heredajho de la homaro kaj neutrala
komuna lingvo faciligas interkomprenighon inter kulturoj, tenante
proprajn identecojn, kaj plene subtenis la ideon de la Tago de
la Patrina Lingvo festata de Unesko chiujare en la 21-a de februaro
ekde 2000 por protekti naciajn lingvojn. KAEM apelaciis aktivan
kunlaboron inter Unesko kaj landaj E-asocioj de Azio.
Pri
EPCh kaj UK en 2004
EPCh,
kiel unu el la mondfamaj E-gazetoj, estis ofte mencita en la kongresejo.
Kvankam malaperis la papera EPCh, tamen nun esperantistoj tra
la mondo povas koni Chinion daure per la reta EPCh. Sur la reto
oni povas pli rapide kaj malmultekoste interkomunikighi per Esperanto.
Dum
la kongreso la redakcio de EPCh starigis gicheton por prezenti
EPCh kaj disdoni donacojn kaj materialojn pri la reta versio de
EPCh. Pli ol 50 kongresanoj partoprenis EPCh-kunsidon. Auskultinte
simplan raporton pri la nuna situacio de EPCh, maljunaj japanaj
esperantistoj la unuaj esprimis sian amon al la revuo kaj prezentis
proponojn pri richigo de enhavo de EPCh.
Ankau
la temo pri la 89-a UK en 2004 en Pekino interesis la partoprenantojn.
La reprezentanto de la China E-Ligo konigis al ili la preparan
laboron de la 89-a UK kaj poste oni interparolis pri koncernaj
aferoj, ekz. organizado de LKK, peto de poshtmarkaj desegnoj kaj
skizo de kongresa emblemo.
Krome
multaj el niaj legantoj montris intereson pri chinaj aferoj kaj
deziron viziti au reviziti Chinion.
1.
2.
3.
4.
5. 6.
|