Ghenerale dirite, la geedzigha ceremonio estas pli solena ol festoj. En la nupta tago la novedza familio devas porti palankenon al la novedzina hejmo por bonvenigi la novedzinon kaj aro da tamburistoj kaj trumpetistoj brue iras al la novedzina hejmo. Post enpalankenigho de la novedzino, oni regalas la palankenistojn kaj muzikistojn per bombono kaj vino. En la novedza hejmo la novgeedza paro riverencas al la chielo, la tero, la gepatroj kaj unu al la alia. Post tio la parencoj kaj gratulantoj altablighas por ghui la festenon. Che la festeno la gratulantoj petas, ke la novgeedza paro nepre trinku vinon kun reciproke interkrucitaj brakoj, kio markas, ke la novgeedzoj amas unu la alian kaj kune dividu la ghojon kaj malghojon en la estonteco.

    En suda Chinio oni kutime preparas filinan vinon, t.e. en shia naskighjaro shia familio pretigas kelke da vazoj da vino kaj enterigas ilin por konservo ghis shia edzinigho. Oni faras tiun vinon doto au por regali la gastojn che la nupta festeno. Char tia vino enkorpigas bondezirojn de la gepatroj, tial oni faras la vinon el plej bonaj materialoj, per tre fajna tekniko. Oni zorgeme ornamas ankau la vazojn, ili faras diversajn pentrajhojn au skribas bondezirojn sur la vazoj, kiaj "Chion bonan ghis hargrizigho", "Felichan vivon" k.a. Oni nomas tiujn vazojn flore glazuritaj vazoj. La familio kun filino tiel bone preparas vinon, ankau tiu kun la filo faras la similan. Ili preparas Zhuangyuanhong, kun la signifo, ke la filo altrangighu ghis la ofico de Zhuangyuan. (Zhuangyuan estis titolo de plej elstara sukcesinto en la shtata ekzameno en antikva Chinio.)

Naskigho, morto kaj vino
En festotagoj
Vino en la ordinaraj tagoj
Nacimalplimulta moro de drinkado